a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de #13 - rəssam

Loading...

necə dəli edir son məktubun sətirləri
necə gəlib-gedir qoxusu keçmiş günlərin
necə yorub səni? “sevgindən yorulmuşam” nədir?
gedən çıxıb gedir, səndə isə yalan bəhanədir

səni tanıdığım gün ağlımla vidalaşdım
güclü insanların da mütləq olur zəif yeri
həyatımın tam mərkəzinə şah etmişdim
güvəndiyim, ən güvəndiyim adam kimi
elə əsir oldum gözlərindəki işıltıya
necə rəva bildin, maraqlarına satdın məni
üç ilin hər ilində özümdən pay verdim sənə
marağın pul-paraydısa, içində boğardım səni

bilmirəm, özümə gülüm, ya sənə yazığım gəlsin
hələ mən ölməmişəmsə, özünə yazığın gəlsin
dramatik həyatımız var, hələ davam edir
səni mən yaratmışam, mən bilirəm zəif yerini
insanı tanımaq olmur, burada çiy süd məsəli
girir, talan edir, qəlbinə girib satır səni
nəyə güvənim indi? mələk gözlər də saxtadır
çox dedilər: “inanma”
mən eşqin onda havasındaydım

necə dəli edir son məktubun sətirləri
necə gəlib-gedir qoxusu keçmiş günlərin
necə yorub səni? “sevgindən yorulmuşam” nədir?
gedən çıxıb gedir, səndə isə yalan bəhanədir
kaş səni tanımaz olardım, görməz olardım
bilməz olardım, duymaz olardım
heç sevməz olardım, fədakar olmazdım
özümü dəyərli tutsaydım, bu qədər kor olmazdım

ağrım ürəyimdən deyil, bu ağrı kürəkdən gəlir
sən rahatsan bəlkə, yerinə utanmağım gəlir
səninlə doğruçu idim, hər kəslə belə olmur
yenidən həqiqi olmaq yəqin ki, mümkün olmur

səni görsəm, o qədər sualım var
üz-üzə gəlib-gəlməməklə bağlı təzadım var
zəhərli xatirəsən yaddaşıma, dərin yaram
bu hesab-kitab bitməsə, özümlə olmaz aram

bilirsən, mən səndən anlamışam
özündən kiməsə çox dəyər verməyin yanlışı var
göylərin karmasıdır, hər kəsin öz dərsi var
allahın yazdığını dəyişməyin də dərsi var

necə dəli edir son məktubun sətirləri
necə gəlib-gedir qoxusu keçmiş günlərin
necə yorub səni? “sevgindən yorulmuşam” nədir?
gedən çıxıb gedir, səndə isə yalan bəhanədir

letras aleatórias

MAIS ACESSADOS

Loading...