a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de slow death - psyco m

[paroles de psyco m “slow death”]

[couplet]
وحدي في بيت ظلام
شمعة ورقة وستيلو
نداوي روحي بالراب الي ماعنديش غيرو
حروف ومعاني كي شواطن على الورقة تتجسد
ربي سامحنى عصيتك جيت في مجتمع يفسد
في مجتمع يغلط يوخر في بالو قدم
كل شي تبنى وعلاه كان الدين لتهدم
صدر وفخذ يخدم و ديبلومات ما تفيد
كي الضبع استغنى عبى جيوبو ركع قدامو الصيد
احرار والا عبيد الكلها تحب تورق
الحر بفيزة والعبيد يمشي في شقف يحرق
في الليل يشق الموجة يحكي همو للحوت
و الموجة تولي دموع كيف يرجع في تابوت
كيف يرجع بلا صوت يرجع جثة بلا روح
يطلع الوزير في تلفاز يحكي عالطموح
العدالة كي السراب المستقبل ع الاطلال
وعلم يرفرف في بلاد لمخذاتش الاستقلال
نجوم كان جات تتكلم توا تحكي ألف قصة
الحيوط كان جات تحس توا تطرشق تبكي بالغصة
ريوس من الهم شابت
العروق مالزرارق ذابت
تغيضني كي نشوف الوجوه الصفرة تموت قبل ما تابت
تغيضني كي نشوف زناقي يدعثر فيها الشاقي
مد فلوسو باش يشري بلاد ڤدمتوا فالباقي
قدرو معادش لاقي
دولة نكحتو بلا واقي
حب ينسى الذل والهم لقى الشيطان للخمر ساقي
لقى الثنية ما توصل اما الطريق ينسي
المهم ينسى الوجيعة خلي وين ترصي ترصي
خاطر الوجيعة تطيح le détail لفيها تكسر
حتى كان قلبك خبى الخزرة في عينيك تفسر
تحكي تفاصيل و تكتب في قصة بلا حبار
حزينة كيف قطرات المطر لهابطة عالبلار
يمكن السماء حست بيك و الغيوم بكات
بقطرات المطر لتطفي النار لاسمها ذكريات
حتى المفردات كي جوانح لتقصت
تولي شخصيات تفكرك في حاجات تحست
كل كلمة عندها معنى كل حرف يمثل انسان
تولي تحب تبيع كل ما تملك باش تشري النسيان
تفسخ برشة عباد و تجيب عباد جدد
و تقطع تصاور كان تتفرج فيها اليوم ترد
و لي كنت ملبسو تاج و مسكنو في قصر
تدفنو في الزبلة خاطر برشا عليه قبر
شد قاموس حياتك فسخ منو الحب
خاطر القلوب كي الصحراء لفيها مطر تصب
لتقراه في الكتب قصص من الخيال
جوليات كان جات في تونس روميو يشريها بالمال
خاطر كل شي بسومو شي ما قعد بلاش
ما فما شي في هالبلاد قعد ما يتشراش
جرب خرج لفة و ابدا في الطقوس
تو تلقى لتوفى يحي بالفلوس
دم اكحل منزوس يجري في العروق
يقطر عالاكتاف المايلة لهزها الصندوق
الورثة مايهمهاش حلال والا حرام مسروق
خاطر في بلادنا كان بفلوسك تو تتحط الفوق
اقعد انتي مخنوق تحت ساقين لوطا
حي و ما تكسب شي دولة تقيدك مع الموتى
الناس لتحكم بجعالة في بلايصها محطوطة
كي تضيع بيلانتي بفلوسك تعاود الشوطة
خاطر لعزف النوتة بناها ع النشاز
صنع أجيال مكبوتة تكحل عالتلفاز
بالشيخة مصموطة مخاخ على عكاز
و انتي بيناتهم كي الحفيان ليمشي عالڤزاز
تحب تنسى الوجيعة اما مخك يتفكر
ما يجي قدك حتى ماسك وقت لتحب تتنكر
ضايع ما بين صفحات واقف في نص رواية
و اخيب انسان تشوفو وقت لتثبت في المرايا
خاطر في بلاصة الوجه تشوف نقطة استفهام
عبارة قصة تروي فيها اما من غير كلام
تعبر بالحركات يحرك فيك الخوف
وتسمع في تصفيق أما جمهور مكفوف
لي عالدنيا ملهوف ما يفهمش المقصود
مخو غابة فيها غزالة تحكم في الأسود
كل شي مقلوب حتى نارو تطفى بالوقود
و لي عاش عبيد في عيد ميلادو ناس تهديلو قيود
مش كل شي موجود
فما كيان كلو شر يبعدنا عالحق
و احنا بيناتهم الزوز عايشين في صراع
تعدي حياتك تلوج باش توصل لمن يطاع
تعدي حياتك متاهة كل شي يلعب بيك
انتي تخلي ليحبك و لتحبو يخليك
طريقك كي سراب مسطر كحلة فيه نجوم
بقطرات دم اكحل هابطة من الغيوم
تنزف كيما جرح قديم محبش يتلم
باش تنسى الوجيعة متاعو تغرق في العدم
بلا نقطة ارتكاز تطير في الفراغ تعوم
كي سبات ليبلع فيك و متنجمش تقوم
هذاكا علاش النوم كيما الشيخة يكلميك
كل شي يتفسخ يختفي كي تغمض عينيك
تتلاشى من الوجود تمشي لبعد جديد
أما كي تغرق فيه حتى رجوع معادش يفيد
خاطر لو كان ترجع تلقاه الكل دمار
كل شي تلقاه مهدم كياسات و ديار
الورد لخليتو ذبل و حتى الحمام طار
و الحيوط المقشرة مكتوبة بالأسرار
فيها معادلات و انتي فيهم عدد
يا تشد في يدك سيف يا دمعة هبطتلك عالخد
ما ياقف معاك حد وحدك تشق الصفوف
و ابعد عالصنم طحين لي ناس بيه تطوف
وقت لتاكل كفوف تعلمك الحياة
بلي العباد لدايرين بيك الكلهم أموات
دم يجري في عروقهم أما قلوبهم تحس
جثث تمشي عالارض تعرف كان تفترس
كي باش تستنا شكون يجي يعمل معاك الخير
عبارة تمساح خرج من الماء تستنا فيه يطير
و الا تستنا في آيات يقراها صنم
و الا رابورات توانسة ولى عندها قلم
يقتل فيك الندم و انت مطيش مريض
يراك فوق القمم و انت في الحضيض
تكتب في الحكم دولة تشوفو تحريض
كلامك درجات بين الوحي و النقيض
كلامك مكتوب بلغة تفهمها كان القلوب
العروق لي بالسم ملدوغة مش فروخ اليوتوب
ليسمع بوذنو يضيع يلقى المعنى فات
باش تفهم غمض عينيك و اغطس في مفردات
تعلم اسمع الصمت قبل ما تسمع الصوت
تو تفهم للموت هي الحياة والحياة هي الموت
حتى كان عجبك الديكور لي في المعرض محطوط
الروح عمرها لا تجري في تمثال منحوت
ما بين 4 حيوط في بيتك تتفرج
قاعد تشوف في تلافز و البرامج فاش تخرج
كل مرة يطلع مهرج يحكي بأسم الفن
كل مرة رئيس جديد يبيع الوطن
سرقوا منا الالوان و بناو واقع ظلام
دڨ السم في العرق الواقع يولي منام
دوزة تكلمي البدن تخلي المخ مفسخ
و خطوة للكفن بالدم لي في العرق مسخ
في ريوسنا يترسخ لتعلمناه صغار
كي كبرنا طلعنا جيل ضايع ربانا الاستعمار
شعب بلا هوية طموحو فيزا و مطار
بلاد عندها سيادة اما معندهاش قرار
identité متاعك محصورة في fichier excel
مخك في تيليفيزيون مرهون في بيكسال
كي تبلعك الايكرون تأثر عليك ليزونت
تولي رقم من الارقام لي في تليكوموند
valeur متاع ولات ارقام على انستغرام
حتى الفن و الابداع يتقيم بالارقام
جيل كي ماكينات صنع في تيك توك
كلهم كي روبوات لي محطوطين في ستوك
نفس الفورماتاج كل واحد ماتريكيل
ركبولهم des processeurs في بلاصة les cellules
puce في راسو تمشي فيه مش خلايا في الدم
حياتو يكتبها gomme و موتوا يفسخ فيه قلم
بركاج في بلاد الهم و يموت بسكينة
ڤومة تبلع البراءة و تموت المسكينة
القلوب صحيح حزينة اما المخاخ فرحانة
مخاخ تتحيل و تصفق لدولة كي طحانة
دولة لتنهب و رئيسها لي في الكذب بارع
ما زعيمة كام تهبط في الليل تقتل في كلاب الشارع
في بلاصة الجهل تفارع تحارب في العقول
عاملة compétition لمبن شكون يجي لول
شركات و حقول اما النفط مفقود
حاول حل دوسيات تتسلسل بالقيود
كرطوشة بكاتم الصوت قدام باب دارك
ماهيش قوة استخبارات لي حشاهالك جارك
ساعات يوفى نهاراك بوليس في زنقة
ببطرة دولة لتسربيلك و مباعد تشدك عالزطلة
عباد تعيش عالنطرة جيب العط باش تشيخ
بطاقة تعريف في تونس اما سكنة في مريخ
دور صواريخ و طير بين الكواكب
يا تموت بدوزة زايدة و الا في موج بين المراكب
دور صواريخ و اطلع طير للڤمرة
يمكن كي تطير تنسى بلادك لتحرق كي الجمرة
عينين محوقة حمراء مطيشة في سبيطارات
قداش من بطال في بيرو يخدم في الادارات
مطارنا محطة متاع لواج قدام المطارات
اما هوما لاهين بأكا الفنانة لعرات
بلاد عالاغلاط جات بنات العرص
هذاكا علاش كل شي غلاء كان شعب لرخص
كيما البرغوث ليمص الدولة تمصلك دمك
غلاو les taxes قريب تخلص على همك
كل شي يمشي بالرشوة في بلاد القانون
ما يهمش cv قد ما يهم لون الكلصون
الصحافة اشاعة و الفن ولى مجون
و ذكورة تتكريك تتلعوك كي المعجون
فيبالك تدور حر و انتي في بلادك مسجون
خايبة كي فلوسك تاقف معاك اما الصحة تخون
شعب يصرف اكثر ملي يخلص غارق في الديون
و لي قرا درجين في ڤوڤل تخرج افلاطون
كلها تفهم في كل شي اما كل شي غالط
كي البو ليتبع عالفساد ما يحبش ولدو يخالط
فيبالو كي يجرب يفهم اكثر من طبيب
كيما لحط لحم على ثلج يستناه يطيب
برشة اكاذيب مبنية عليها حياتنا
خايفين من مستقبل لجاي و نادمين على لفاتنا
حتى تاريخ وفاتنا احنا كتبناه بيدينا
كي رضينا نعيشوا في بلاد كي خفرة لتبلع فينا
كل لحضة تتعدا تعذبنا و تنقص من الروح
قعدت كان ريحة قوم لوط لطالعة و تفوح
لازمنا فيضانات تهزنا بلا سفينة نوح
البلاد الوحيدة لرشوة تشري طموح
و ما يداوي مجروح سيف عالرقبة تسلط
ما تشبع جواعة بنوك جديدة تحلت
قبور بالدموع تبلت و بالقهر تسقات
القبر يقعد قبر حتى تبنيه بالمليارات
لو كان تليقو بالديامون و تهدنو بالذهب
في الملئ الاعلى لفوق كان بأفعالك تتحب
غادي المادة ما تفيد الذنوب ما تجيب رزن
غديكا ما يفيدكش كوتشي لمزينلك فن
تعب و طاح البدن و جرى بينا العمر
تعلمنا و ما طبقنا دروس لين شيب ظهر
لين ضحكة مشات وجوه غالية تنسات
و انت تحاول باش تبدا حياتك لين تلقاها وفات
نار في كلمات و الستيلو بنزين
العباد تسأل علاش نرابي بكلام حزين
خاطر من عهد الزين شي ما تبدل لتوا
خاطر لعندو سلطة مزال يحكم فيك بالقوة
مواطن حد ما عندو تتعدا عليه القضاة
الدولة مريضة بالكلب قداش كلينا عضات
عاود كيما المحفوظات متاع قبل في ecole
المساواة كذب و العدالة ديكور
تشش تعري corps و تخدم بالبزول
و الدولة تقلك اصبر البطالة شدة و تزول
شد ادهن بالمفتول و اقعد للقانون مطبس
كي على جنب تحب تجيب عطك تشد الحبس
بوتيكاتهم ما تلبس و حوايجها لتعري
البلاد سبورة كحلة و مدارس ما تقري
توري انتي نوري 5 لايت و كام
عباد فاتها تران اما تجري وراء اللحام
تاكسيست جلطام و الكليون قبيح
المسرحية متاع كل يوم لي القدر فيها يطيح
بوليس من غادي يصيح و 10 هوني تخلص
الكل ترشق عليه تقول في حنة باش يعرس
هذا قانون لا يدرس لا في ليسي لا الفاك
هذا قانون تتعلمو في شارع بالمتراك
امشي بركة حد ما راك قول في خدمة المواطن
بوليسية بالزي تنحي ماسك تلقى شواطن
عندك في العقل الباطن برشة تصاور و خبابل
الناس بمخاخها تمشي و انت ما بيناتهم هابل
الدم في عروقك ذابل و الوقت كيما القاضي
حكم عليك بالموت و الإعدام تنفذ في الماضي
الحسرة و الوجيعة ديما تقعد فيك تتبع
حتى كان كرشك تتنفخ فلوس الحرام ما تشبع
ملك الشر متربع في عرشو عالماء
يتفرج عالبشر كيفاش تسفك في الدماء
الاف الابرياء قاعدة تموت في الحروب
و شيوخة الرياء تدعيلهم عاليوتيب
امام الحرم مؤمن اما جوع كافر
ليحل فمو بكلمة حق لزنزانة يسافر
كل يوم ناس تموت فيروسات و امراض
شركات كبيرة تتاجر تصنع في الامراض
بشر من غير قيمة مهدد بالانقراض
القيم تدفنت و الحضارة ولت عالانتقاض
فنانة استعراض دول تعطيها قدر
نفس دول سكتت كي تسب سيد البشر
الصدق في الفعل اما الكذب في القول
حكمنا ساكتين منهم في الفضلة تتسول
كي ذكورة تتحول هذا اسمو تطور
هاذي اسمها الحضارة ليجي يصورها المصور
كي تلبس حجاب تولي العصور توخر
قدامهم حقها يتهظم و ما يجي حد يتدخل
والله عالم يبخل شنقوملو كل نهار
تحل عينيك تلقى العباد تعبد في دولار
كي تخرج من دار عبارة دخلت المنفى
دستور عندنا يحكم اما قوانين محرفة
امشي سربي العلفة في دوزة بوليتيك
دول ديمقراطية قاعدة تنهب ف لافريك
بترول، يورانيوم، برا هز ما يهمش
المهم عطاونا دوا الكرارز باش ما عادش تكمش
الفلوس ما تتلمش و بالبلاط تفرق
الحرام طغى و الحلال ليوم ما عادش يعرق
شد الابرة و زرق يمكن تنسى لي ظلم
نعيشو في جبانة لي رفرف فوقها علم
يمكن الألم، يتنحى بالكتيبة
الوجوه لي والفت تسمعني ليوم وليت نشوفها غريبة
يمكن الدنيا صعيبة لزتني على المر
تغيضني كي نشوف قلمي مازال مدفون بين الحفر
تغيضني كي نخزر للمراية على ضوء الشمعة
نتمنى نرجع نحس نتمنى تهبط الدمعة
كي ماتت في عينها اللمعة لي رجعتني للحياة
بعدت و خلاتني وحدي قاعد نموت في سكات
قاعدت الذكريات تتعدى كيف الأشباح
نبيع لي بقى من عمري باش نفسخها و نرتاح
كي نغمض عيني في راسي نسمع كان شوت الصياح
أصعب عقاب النهار الجديد لي نعيشو كل صباح
أصعب عقاب كي تبدا حي و انت كل شيء فيك مات
يدك تعبت و البيبليك يحب تكتبلو كلمات
في بالهم كي تشد القلم تكتب فالعبر
و أنت مع كل حرف قاعد تحتضر
تموت مع كل معنى تتدفن مع كل بار
كل سطر مكتوب عبارة على انتحار
رابي [؟] قالك فاتك القطار
خسارة قلمك كاسح اما تسمع فيك اصفار
كيما المغروم بالرسم ربي عطاه نعمة
صور لوحة مزيانة الوانها ما عجبتش الاعمى
هاكا كي تكتب معنى و صعيب باش يتفهم
عبارة طبيب شد مريض يداوي فيه بالسم
هادي قصة ارتيست ماعادش عارف روحو شكون
الوجيعة تحرك فيه و مخو هازو للجنون
ارتيست تعب من كل شيء ماعادش يحب يبان
وين الجمهور كي الطاعون يقتل الفنان
يقتل الأفكار، يقتل الإبداع
ما عندوش حقك أما يحب رابك يتباع
ذوقو يغطي على الأفق ما يخليهوش يضيء
في بلاد قاعدة تقتل فينا بالموت البطيء

- psyco m

letras aleatórias

MAIS ACESSADOS