letra de bocca de rousa - piero parodi
intro
a ciamavan bocca de rêuza
a metéiva l’amô, a metéiva l’amô
a ciamavan bocca de rêuza
a metéiva l’amô sôvia ògni cösa
quande l’àn vista chinâ da-o treno
a-o paesin de sant’ilâria
se son acòrti amiandola ben
che no se tratâva de ‘na miscionâia
chorus
c’è chi l’amô o fa pe demôa
chi invece o piggia pe profescion
bocca de rêuza ne l’un ne l’âtro
lê o fâva sôlo pe pascion
verse
ma a pascion spesso a ne pòrta
a levâse çerte coæ
sensa sta a vedde se a controparte
a l’é fantinn-a ò a gh’à mogê
coscì l’é stæto che a meschinetta
un bello giorno a se trêuva adòsso
vеrdi de ràggia tutte e cagnеtte
a-e quæ a l’àiva fregòu l’òsso
chorus
ma e comari d’un paesin
no brilan çerto in iniçiatîva
se limitavan quando a pasâva
a ciamâla “cooperatîva”
verse
se sa che a gente a da di consigli
sentindose comme o præve a l’artâ
se sa che a gente a da boin consigli
quando a no peu ciù fâ do mâ
coscì ‘na vêgia mâi stæta mogê
sensa mâi figgi sensa ciù coæ
a s’é pigiâ a briga e o gusto
de dâ a tutte o consiglio giusto
chorus
se voéi levâve o péizo de còrne, a dîxe
a-e comari quella vegiòrnia
se bocca de rêuza voéi mandâ vîa
féi un espòsto a-a poliçîa
verse
ghe son andæte drîte sparæ
da-o comandante di carabinê
sciô maresciàllo stæne a sentî
che questa storia a deve finî
quella legêra a gh’à ciù clienti
de ‘na butêga d’alimentâri
a requisisce mài e galanti
comme i distréiti militâri
chorus
coscì ‘na cobia de carabinê
un de palermo, un de cirié
non possiamo farne a meno
l’accompagnamo a prendere il treno
verse
inta staçión gh’êa tutto o pàize
da-o vice scindico a-o sacrestan
tutti co-a faccia da de profundis
co-i éuggi rosci e o mandillo in man
a saluâ chi sôlo pe pöco
sensa pretéize, sensa pretéize
a saluâ chi sôlo pe pöco
a l’à portòu l’amô into pàize
chorus
gh’êa un cartello néigro
con ‘na scrîta giâna
“insieme a te bocca di rosa
la primavera si allontana”
verse
ma la notizia originale
a no l’à bezeugno de giornâle
e ciù spedîa de ‘na scciupetâ
a se difonde da-i monti a-o mâ
coscì a-a fermâta sucesîva
ancon ciù gente de quando a partîva
chi manda un bâxo, chi lancia un fiôre
chi se prenòta pe dôe ôe
chorus
dîxe o prevòsto con o seu breviario
fra un miserere e ‘n’ave marîa
mentre o s’incianpa inte ‘n binario
a no l’é mîga da caciâ vîa
outro
e con a vergine in primma filla
e bocca de rêuza pòco lontan
o pòrta a spasso in procescion
l’amô sâcro e l’amô profan
letras aleatórias
- letra de mystery - alice smith
- letra de it's on again insrumental - alicia keys
- letra de westwind - rag
- letra de abomination - ray curenton
- letra de oh sheila (re-recorded) - ready for the world
- letra de nightmare - amulet (uk)
- letra de love-hater (hate for love) - cheese on bread
- letra de backseat of your cadillac - single version - c.c. catch
- letra de i walk alone (batista) - saliva
- letra de river (feat. sam palladio) by nashville cast - nashville cast