a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de يحكى أن - فريق إسكندريلا

يـُحكى أنّ . أنّ إيه؟
سرقوا بلادنا ولاد الإيه
يـُحكى أنّ . كان يا مكان

سرقوا بلادنا الأمريكان
يـُحكى أنّ . جيل ورا جيل
سرقوا فلسطين إسرائيل
يـُحكى أنّ . يا أحفاد
أمريكا دخلت بغداد
يـُحكى أنّ . يا حلاوة
أمريكا بتضرب بغباوة
راح يدخلوا يغداد العصر
و المغرب راح يدخلوا مصر
يـُحكى أنّ . أنّ إيه؟
سرقوا بلادنا ولاد الإيه
يـُحكى أنّ . كان يا مكان
سرقوا بلادنا الأمريكان
يـُحكى أنّ . جيل ورا جيل
سرقوا فلسطين إسرائيل
يـُحكى أنّ . يا أحفاد
أمريكا دخلت بغداد
يـُحكى أنّ . يا حلاوة
أمريكا بتضرب بغباوة
راح يدخلوا يغداد العصر
و المغرب راح يدخلوا مصر

يـُحكى أنّ . انعقدت قمة
مابتعرفش تقول ولا كلمة
يـُحكى أنّ . الظلم استشرى
و الدم مطرطش فى النشرة
يـُحكى أنّ . انّ احنا سكتنا
واتنيّلنا كدة بخيبتنا
و كإنّنا ماكَـإنّاش كنّا
والذل بيوصل لدقونّا
والذل بيوصل لعنينا
والله رحمة ان احنا بكينا
والله رحمة ان احنا نعسنا
والضلمة غطّت فوانيسنا
بس خسارة ماحلمناش
يُحكى أنّ . وما يحكاش

نام يا حبيبي وسيب دنيتنا
الليل خيم على سكتنا
والغولة تنيم هدمتنا
على أنغام أوهام الفتنة
والنور طفى في قلب بيوت
الأحلام في عيونها تموت
توتة توتة خلصت حكايتنا
والديب نام شبعان مبسوط
بس سكوتنا ما كانش سكوت
ومفيش أمة تعيش وتموت

يحى أن، أن إيه؟
شعبنا مسك النور بإيديه
يـُحكى أنّ . كان يا مكان
اللي أراده شعبنا كان
يحكى أن جيل ورا جيل
مصر اتولدت في التحرير
يحكى أن يا أبناء
شمس الثورة من الشهداء
يحكى أن يا حرية
ثورتنا ثورة عربية
فجر وصبح وضهر وعصر
تونس، ليبيا، سوريا، مصر

يحكى أن ستعقد قمة
فيها العدل وفيها الهمة
يحكى أن فجرنا طالع
والورد بيطرح في الشارع
يحكى أن النور قدامنا

- فريق إسكندريلا

letras aleatórias

MAIS ACESSADOS