letra de illər sonra - orkhan zeynalli
[bənd 1]
səni başqa sahildə görmək ürəyimi incitdi illər sonra
xoşbəxtliyin iki şəkli – biri dağ idi, biri yol
nağıl kimiydi evimizə qayıtmaq illər sonra
nağılı açdım ki, valideynimin biri var idi, biri yox
getmək-gəlmək qalmaq beyində əbədi dilemma
son dəfə qərar verirsən, çıxır yenə də bir əmma
xeyir dəftərində istədim şəhərə qayıb qoymaq
mən sadəcə istədim hansısa şəhərə aid olmaq
illər keçir, böyüyür bədən, artır rəqəm, ürəksə
sanki daha çox sevgi tut-rdu balaca vaxtı
evim dəniz, illər günəş, dəniz sahilinə isə
ürəyimə çəkdiyi dağdan atam çay olub yarıcan axdı
nə qədər varıqsa, var bizlə bir yaşayanlar
pillə-pillə tərtib edəcək yaddaşı anlar
nə qədər varam musiqinin dəyişən axışı olacaq
gedəndə anam mesaj yazdı “hər şey yaxşı olacaq”
[nəqərat]
düşdü dənlər saçlarıma illər sonra
soyuq insan bağlarında güllər solar
yaşa dolmaq yaşla dolan gözlər kimi
gedir üzlər, qalır izlər illər sonra
[bənd 2]
zaman oğurlayır ruhu evimizdən
yerində tikir otel
böyük ailəlik çay süfrəsində indi iki latte
məndən qabaq görsən atama de
bircə dəqiqəlik zəng vursun, ona əlvida deyim
bu şəhərin hər küçəsində, hər parkında xatirə
bütün izlər sanki uşaqlığımın yerini deyir
neçə yaxın tükəndi ki, doğmalaşdım yad ilə?
köhnə mahnılarım eyni olsa da
hisslər eyni deyil
neçə ac ruha çörək verdim dərdlərimdən üyüdüb
bu şəhərdə, görən, neçə fərd dərdlərimlə böyüdü?
intihar edən gəmilər lövbərin atır dərinə
kəsib atmalı olduqlarımı da
həyat kəsib atır yerimə
xoşbəxtliyi tapmaq çətin, olmadan güclü varlı
necə ki, tikilə bilməz heç bir ev üç divarlı
bütün savablarımı puç edə biləcək günah sənsən
mənim evim yoxdur, çünki dördüncü divar sənsən
[nəqərat]
düşdü dənlər saçlarıma illər sonra
soyuq insan bağlarında güllər solar
yaşa dolmaq yaşla dolan gözlər kimi
gedir üzlər, qalır izlər illər sonra
düşdü dənlər saçlarıma illər sonra
soyuq insan bağlarında güllər solar
yaşa dolmaq yaşla dolan gözlər kimi
gedir üzlər, qalır izlər illər sonra
letras aleatórias
- letra de ma gueule - black kent
- letra de la novità - moreno mc
- letra de ma clique claque - kacem wapalek
- letra de steal my sunshine - remastered version - len
- letra de life (walaahi) - r2bees
- letra de mi columpio - marwan [es]
- letra de 40 forajidos - g5
- letra de life - thercb
- letra de shellshock - cr7z
- letra de hii (fuck love) - isaiah rashad