a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de 3eenak | عينك - nawal abdechaffi - نوال عبد الشافي

Loading...

[المقدمة]
عينك، عينك
ما نخافش غير من عينك

[المقطع الأول]
بركاتك يا اللي عينك واسعة
كرماتك هلت أهي وطالعة
خمسنا وبرضه مافيش فايدة
والخرزة الزرقا دي مش نافعة
بلسانك قلت إنها والعة
وحياتك الدنيا بقت واقعة
جرى إيه هو احنا مافيش غيرنا
ما الدنيا أهي قدامك واسعة

[اللازمة]
عينك، عينك
هنروح فين من عينك
شيل عينك من علينا حبة
ده إنت بتحسد عيني عينك
عينك، عينك
ما نخافش غير من عينك
لو حاجة قدامك وسايبها
بناخدها بتحلو في عينك

[المقطع الثاني]
عارفينك يا اللي بتحسدنا
وبشايرك بانت أهي يا سيدنا
عينك باصة على اللي معانا
والكحكة بقت عجبة في إيدنا
ما تريح يا اللي إنت ناظرنا
ما تروح ده إحنا على آخرنا
ماسكين في الخشبة ومن خوفنا
رشينا الملح وبخرنا
[اللازمة]
عينك، عينك
هنروح فين من عينك
شيل عينك من علينا حبة
ده إنت بتحسد عيني عينك
عينك، عينك
ما نخافش غير من عينك
لو حاجة قدامك وسايبها
بناخدها بتحلو في عينك

- nawal abdechaffi نوال عبد الشافي

letras aleatórias

MAIS ACESSADOS

Loading...