letra de el mensi | المنسي - muslim مـسـلـم
[المقطع الاول]
على حيوط الحومة كاو يميل قرعة د الالكول فيدو يقالي
فحوايجو يسيل يمشي بخطوات ثقيلة يمين و شمال ، شمال و يمين
يفتش على قنت من قنوت الزنقة يجلس يشرب يهرب
من سنين دازت من عمرو فحال رمشة عين ما بقي والو خونا فات الخمسين
الحياه و شعرو شاب بشرابو ينسى شبابو
لي داز فالخاوية عامر الشيطان يزرف و هو بسنين عمرو يغامر
قالوا فصغرو كان يلعب بالفلوس لعيب
الليل يدي و النهار يجيب ثاق فالزمان و حسبو حبيب
و صعيب كاينة قلبت الزمان ، الصحرا القحلة من بعد الجنان
تحت ظل شجرة ميتة بلا غصان
شفت لعيون و الخضر يبس تحت الشمس الباردة جلدو ملبس
تحت السما الصافية سحابة كحلة عرقان بالبرد موانس
تتخلطلو الفصول و الليالي ادور و ليام تتسالس
[اللازمة]
قال الشراب ينسي الشراب ينسي
مزيان يرسي مزيان يرسي
لعمر يصبح و يمسي لعمر يصبح و يمسي
و لعمر ما يمسي غير على لي منسي
[المقطع الثاني]
يجيه الجوع يقصد الزبالة يهبش
يجري على الكلاب و الكلاب ينابحو و فيدو بلاستيكا د شايط
يلحس لعظام و يسيب ليهم عشرانو صبحو شارك معاهم الطعام
3 د الجناكة دايزين بانت ليهم فيه خملوه غبلوه نفظوه
واحد هرسلو قرعة الثاني ادالو بريكي الثالث ضربو
عمل يدو على عينو مشى للقنت و جلس
الجناكة رمقو فحديدة البورتابل و المونو ما خلاهم يسرقوا بالحس
خملوا لحديدة و هربوا و المخزن بيه فيه حضر
و القارة تصفر قالوا يساقيو خينا لي حضر
مع الدخلة ترشى و عاد الهدرة حرشة
ماداو مايعاودو بانت ليهم ديوانة الكاشة
عرفوه من الريحة لي فيه و قالول ليه بدل لبلاصة تمشى
و مشى يجمع تحت يدو كراطن
الحجب دعينو مفتوح و …فاطن
فرش و اتكى و ضحك على الزمان لي فوجو ترن و هو سكة
[اللازمة]
[المقطع الثالث]
صبح نهار جديد ، خونا ناعس ولا ميت شكون رد البال
بالنسبة للناس لي خلفوا عليه فحال فحال
بالنسبة ليلو نهار جديد يعني عمرو طال
و كل ما طال عمرو يزيد يكحال
الخوف من الموت ما يخلاهش ينتحر
كل ليلة يتمناها تكون الفينال
و فحال دايما يفيق بصداع الطوموبيلات
يفتح عينو يجبر نهار جديد و الناس عاشقين الحياة
يبقى فالرجلين ديالهم يتأمل الساعات
رجلين دوز بزربة ، رجلين دوز ثقيلة
رجلين صغيرة تزتملوا فوجهو و تجري بعيد…نهار جديد
ينوض يتجلس ، عينو تعقرو يجسس ، ما عقل على والو
ليلة كحلة دازت ما تبت على والو
كل ما عامل فبالو هو يحضر الشراب ديالو
و يشرب حتى يتسرفق و يعيش كاو ليلة أخرى
يمكن هاذ الليلة تكون الاخرة
[اللازمة]
letras aleatórias
- letra de lil sexy plug's first day freestyle - smashthelikey
- letra de wretched heart - will & the whiskeymen
- letra de truth be told - josh kaufman
- letra de cut the cord - felix jaehn & hitimpulse
- letra de cantaré de tu amor por siempre - shout praises kids
- letra de wild style - doberman infinity
- letra de pas chassé 90's - fk
- letra de yr dreaming - katchafire
- letra de hinterland - tilt
- letra de messin' - j-wright