letra de dahek | ضاحك - muslim مـسـلـم
paroles de muslim “dahek” كلمات مسلم ضاحك
[اللازمة] ( x2)
كانبكي وانا ضاحك و دموعي ماكتبان
ما قادر نبكي كيف الناس حيت قالو فنان
خاصم نبان ديما ضاحك خاطيني الأحزان
ونساو بلِّي حتى الفنان فأصلو إنسان
[المقطع الاول]
ستيلو فيدي خايف يكتب لي باغي نقول
الورقة الكحلة كانت بيضة حيت المداد مدفول
السوايع كاتموت كانحس بلي الوقت مشلول
ولساني مطاوع قلبي وعقلي كايشوفني مقتول
راك مكلّخ إذا فكرتي يشريوني
و راك كاتفكر إذا فكرتي يمحيوني
وحيت كايفكرو مزيان فكروا يخليوني
وماخليتومشِ يكسيوني باش مايعريوني
جمهوري عجبو الفن. عدياني شراولي كفن
وأحبابي خايفين اسمعوا شي نهار ضربني الطران
أ راسي لا تحزن إذا ساؤو فيك الظن
غدا يعرفوا الصح ملي التاريخ يبرهن
إسمي كايخلع أوباما و كيقولو بعت الطرح
موسيقتي ماشي ضاما موسيقى ديالي جرح
حس بيا و فهم شني باغي نقول
أما غير الفلوس را بلا مانقول
[اللازمة] ( x2)
كانبكي وانا ضاحك و دموعي ماكتبان
ما قادر نبكي كيف الناس حيت قالو فنان
خاصم نبان ديما ضاحك خاطيني الأحزان
ونساو بلِّي حتى الفنان فأصلو إنسان
[المقطع الثاني]
ماعرفت علاش كنسى راسي و كانفكر فبنادم
دموعي تسيل مع المظلوم و كَلُّوم الظالم
وخا فهاد الزمان كل واحد فبحرو عايم
كانغرق راسي فمشاكل و غير ربي لي عالم
شكون لي حاس بيا ؟؟ شكون كايشوف دموعي ؟
بزاف دايرين بيا الوحدة تشق ضلوعي
العديان بعاد عليا عساسٍين على وقوعي
العشران كايتبدلو عليا كل ما زدت درجة فطلوعي
كانحاول نبقا أنا وخا أنا خرجت من طوعي
كانحترم راسي حيتاش راسي عمرو كان مشروعي
كانتيق فربي يغفر لي وخا مقصَّر فركوعي
ملي كاتضلام عليا الدنيا الدعاوي ديما شموعي
أصاحبي شكاتحسد ؟ فواحد قلبوا جمد ؟
باغي تكون فحال لي وليت بلا ما نقصد
الدنيا كاتبرد. العالم كايتحد
غاتولي تضحك ونتا باكي وماشافك حد
[اللازمة] ( x2)
كانبكي وانا ضاحك و دموعي ماكتبان
ما قادر نبكي كيف الناس حيت قالو فنان
خاصم نبان ديما ضاحك خاطيني الأحزان
ونساو بلِّي حتى الفنان فأصلو إنسان
[المقطع الثالث]
ذكاترة و شمكارا حافضٍين الرسالة
حيت كولشي صبروا تسال فبلاد البطالة
الشعب ماراضي بالذل و البلاد ماعجبا حالة
قلتلو عشيري تبدل خلي المرقة بدالة
مافراسكش عايش ريجيم
كناكل بيت سيك و كنحلي غير بليريم
الراب تايق فيا و أنا ما باغي نخليه يتيم
مشيت بيه بعيد جرب نتا جرو ميلم
كليبات ألبومات الستوديو من جيبي
ما أنا صاحبي وزير ما أنا برلماني حبيبي
كانحرق لاصين بكاشي محكور حيت أنا مغربي
الواقع د الفن كحل وخا كانبان لك شيبي
الشهرة . التصاور . الأضواء و التلفزة
شحال من فنان مات و ما خلا فلوس لجنازة
يمكن حيت العاقة كتموت فالخرمازة
و الراب هو الراب والدرهم بالقفازة
[اللازمة] ( x2)
كانبكي وانا ضاحك و دموعي ماكتبان
ما قادر نبكي كيف الناس حيت قالو فنان
خاصم نبان ديما ضاحك خاطيني الأحزان
ونساو بلِّي حتى الفنان فأصلو إنسان
letras aleatórias
- letra de blunts & clementines - exociety
- letra de backseat politic - eades
- letra de 永遠のあくる日 (eien no akuruhi) - ado
- letra de digital grave - intentions
- letra de 10 more commandments - benny the butcher
- letra de before the weekend - north castle
- letra de so much more - colin blunstone
- letra de imensurável - beli remour
- letra de stop the war - kanonenfieber
- letra de shakedown - au pairs