a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de lazem bokra - لازم بكرة - mtm (eg) - إم تي إم

[المقطع الأول: محمود وتاكي ومايكي]
قاعدين في البيت بقالنا كتير
وحياتنا محتاجة تغيير
الشارع زحمة، زحمة وطوابير
نفسي أخلع من الدوشة وأطير
الميكروباصات زي المجانين
تكسر علينا من الشمال واليمين
وفي نص الشارع راكنين
“ويقاوح “أمال أروح فين؟
يا عم عميتنا بدخانك
شوفلك بقى حل في شاكمانك
إنت لسه واقف مكانك
قوم يلا وغني معانا

[اللازمة]
لازم بكرة هيبقى أحلى
لو غيرنا شوية حياتنا
التغيير بقى حاجة سهلة
لو ركزنا وأنجزنا

[المقطع الثاني: مايكي وتاكي ومحمود]
من الصبح في مشاوير
وبقالنا كتير ماشيين
عينا جات في قهوة
لقينا ناس كتير قاعدين
قلنا نقعد نشرب حاجة بدل ما إحنا عطشانين
لقينا كل الناس باصين متنحين
بيتفرجوا على الدش ويلعبوا طاولة ومبسوطين
قولنالهم إنتم مين؟
قالولنا إحنا الفاضيين
بيوتنا زحمة وإحنا منها هربانين
كان نفسنا نعمل حاجة بس مش عارفين
يمكن علشان إنتو مش مركزين
وفي الدنيا تايهين ومطنشين
هتفضل قاعد كدا وتعدي عليك السنين
لازم تحسبها صح وتفكر تفكير سليم
[اللازمة]
لازم بكرة هيبقى أحلى
لو غيرنا شوية حياتنا
التغيير بقى حاجة سهلة
لو ركزنا وأنجزنا

[المقطع الثالث: تاكي ومحمود ومايكي]
تاني ماشيين في الشارع بعد زحمة المرور
جنبينا مدرسة، عيال بينطوا من على السور
كلهم زوغوا بعد الطابور
وما حدش فارقة معاه الغياب والحضور
والمدرسين والناظر كمان
عصيانهم أشكال وألوان
اللي غايب عنده زكام
واللي تعب في الفصل ونام
وسألت نفسي العيب عيب مين
الطلبة ولا المدرسين
وعلى العموم أدينا ماشيين
ألف بيه تيه ثيه جيم

[اللازمة]
لازم بكرة هيبقى أحلى
لو غيرنا شوية حياتنا
التغيير بقى حاجة سهلة
لو ركزنا وأنجزنا
[المقطع الرابع: تايكي ومحمود ومايكي]
محروس كان عايز يخف جنابه
لما ركنا عند حلاقه
ناس كتير واقفين على بابه
أتاريه عامل إنقلاب ووه
بيحلق لتلاتة بنفس الموس
في نفس الوقت يوفر فلوس
دا غير إنه بينقل ڤيروس
ها، أنا ما حلقتش أنا محظوظ
إيه يا عم اللي إنت بتعمله
إنت مش عارف اللي بتنقله
وإنتو ساكتين مش بتتكلموا
مش ناويين بقى تتعلموا تتقدموا

[اللازمة]
لازم بكرة هيبقى أحلى
لو غيرنا شوية حياتنا
التغيير بقى حاجة سهلة
لو ركزنا وأنجزنا

[المقطع الخامس: مايكي وتاكي ومحمود]
تايهين في الشارع مافيش حد حوالينا
فجأة لقينا فرح جنبينا
بصينا على الكوشة إتخضينا
مش مصدقين اللي شايفاه عينينا
يا ألف نهار أبيض، يا ألف نهار مبروك
أبو العروسة مجوز بنته لواحد قد أبوه
والبنت في إعدادية وكان نفسها تخش حقوق
طب وذنبه إيه المولود اللي هيجيبوه
إنت بتفكر تفكير قديم
لازم تدي البنت الفرصة زي الولد في التعليم
لما تكبر يمكن تقدر
تعمل إنجاز عظيم
[اللازمة]
لازم بكرة هيبقى أحلى
لو غيرنا شوية حياتنا
التغيير بقى حاجة سهلة
لو ركزنا وأنجزنا
لازم بكرة هيبقى أحلى
لو غيرنا شوية حياتنا
التغيير بقى حاجة سهلة
لو ركزنا وأنجزنا

- mtm eg إم تي إم

letras aleatórias

MAIS ACESSADOS