letra de pedro iii - migo & buzz
[verse: migo]
es isch samsti, dr pedro het frei
er het sich vorgnoh er wöscht sini chleider, ds heisst
er isch wahrschiinlech drann bis ir nacht
wieni es paar lieder vori ha gseit, isch er massig, versteisch?
sini hose huere breit, so das nume eis
paar ine maschine knapp inegeit
wo er grad die achti ladig abetreit
grüesst ne d frou gander im stägehuus u seit, «guete tag herr pedro»
hie mues no erwähnt si
das dr pedro haut sprachlich es bitzli beschränkt isch
wiu ussert sim vorname chaner no nid ächt viu
u ds füehrt när mängisch zu fauschem verständnis
jedefaus seit si «gseht dir ds wätter?»
«dir müesst usä, wäschet eues bettzüg doch später!»
«wüsst dir mi grösser isch ah match»
«i ga när mit em chliinä u mine fründinne wäg»
«chömet doch gd mit, mir wei öppis erläbe»
«es coop wird eröffnet, dert gömer itz häre!»
dr pedro luegt abe, er bemerkt se ersch itze
d frou gander dütet die geste aus nicke
so laht er sich vor nachbarin hingernache zieh
währenddem si mit dr angre hang dr chinderwage schiebt
d sunne die lache, dr chlii schlaft
hungrigi spatzä teile sis zwieback
bim tram hiuft dr pedro mitem wage
u d frou gander nimmt ne mit uf dr mehrfartencharte
wo si z schlaflied ahstimmt wird er o chli müed
i dem viererabteil wo er mit sich allei füllt
tröimt vo sir mom, cha aues wider gseh
s blau i dem see
ir nöchi vo managua, mitere am sandstrand
si tippt ne am arm ah
«mir si itz de grad da, glii hautet s tram ah!»
si si dert und e sehr liebe mah amne stand hänkt
ihm e ballon um sis handglänk
er geit itze ga e wurst choufe
amne rostwage
während d frou gander und die angre huusfroue
e chinderwage-burg boue
er fühlt sech verstange und ufghobe
dr pedro isch froh daser da isch
wünscht sech würklech jedä tag wär wie dä samsti
letras aleatórias
- letra de dare to dream - @takytheartist
- letra de it's all fallen behind me - dragonex
- letra de frmng simulator 2022 - mathis oneblaze
- letra de jaguá kapón - tordillo negro
- letra de 1000 - doc ovg
- letra de clean wrap - lil dameon & raw coco
- letra de život nije fer - deniro
- letra de heaven is better - moh baretta
- letra de diepe wegen - ares
- letra de a bullet's worth a thousand words - chagall guevara