letra de hayaty | حياتي - mc amin
[المقطع الأول]
هواجة نفسي بكل غلطة عملتها في حياتي
في حق نفسي، في حق أهلي، وأصحابي وإخواتي
هعاقب نفسي على غلطاتي، هرفع راسي مش هطاطي
حرب دايرة بين نفسي وبين ذاتي كدا كالآتي
أنا مش فلتة زمانه ولا فريد عصره وأوانه
أنا واحد ضايع صايع والكل بيشهد بجنانه
بصحى فايق بعمل إصطباحة الصباح وببقى رايق
ببقى فاكر نفسي هنسى كل حاجة كانت بتضايق
جي وقت الحقايق، جبت نفسي غصب عني
قلتلها آسف على حياتك وبدأت التمني
كتبت كل كلمة جت في راسي وقلت أغني
لقيت إحساسي عليا قاسي وهو اللي قتلني
بواجة نفسي بكل عيوبي وبكل غلطاتي
إعملي فولو على النت متعمليش فولو في حياتي
إوعى تمشي ورايا عشان مش عارف أنا رايح على فين
حياتي ضلمة، إنسان عاصي، مذنب من الضالين
[اللازمة]
حياتي من تراب لتراب
من تراب لتراب
حياتي من عذاب لعذاب
من عذاب لعذاب
حياتي من تراب لتراب
من تراب لتراب
حياتي من عذاب لعذاب
من عذاب لعذاب
[المقطع الثاني]
في كل حتة بتلاقي الناس بتعض في بعضها
كله بينهش في التاني بالتالي بتلاقي المصلحة متحكمة
وشوش كتير متعملة، شياطين مصممة
تكون هنا، متمكنة مننا مش كدا
مشكلة متنيلة بستين نيلة مقندلة
كلام في الفاضي، بلبلة، بلبلة، دي المشكلة
مسالة معقدة مكركبة، حاجة آخر بهدلة متعبة
ولو رضيت بالهنا والشفا يا عمنا
عندنا مافيش الكلام دا هنا
مع بعضنا ع الجد والجدعنة، دا الطبيعي ودا طبعنا
ربنا خلقنا كدا وإتربينا على كدا كلنا
مش مننا اللي يخون عهدنا يخرج من وسطنا
نفسنه يعني مافيش إحنا، فيه إنت وفي أنا
حكحكة، كلام كتير لكلكة، ماليش أنا في العكعكة
بكل صراحة مطلقة، بكل وقاحة حارقة
إنتوا بتوع ضربني وبكا وسبقني وإشتكى
[اللازمة]
حياتي من تراب لتراب
من تراب لتراب
حياتي من عذاب لعذاب
من عذاب لعذاب
حياتي من تراب لتراب
من تراب لتراب
حياتي من عذاب لعذاب
من عذاب لعذاب
[المقطع الثالث]
عندك أكتر من بني آدم ع الفاضي بيفكر في الماضي
ع الماضي بينادي وراضي ودا طبعًا عادي جوا بلادي
لازم تحدد إنتمائتك، إهتماماتك، أولوياتك
كل تحركاتك، كل تصرفات حياتك
مش مهتم باللي بيحصل، مين الأسوأ، مين الأحسن
مين اللي بيغرق، مين اللي بيوصل
همي في نفسي وبس أحسن
مين اللي باع، مين اللي إشترى
مين اللي داب، مين اللي إتهرى
مين اللي كان قادر يقاوم دايمًا ويحل المسالة
اللي تلاقيه بيقضي يومه يوم يبقى بيتألم
واللي بيضحك على طول من جوا بيتقطع يا معلم
واللي تلاقيه في خناق دايمًا معاك أكيد بيحبك
واللي مش مهتم بأي حاجة بيبقى إتعلم
إتعلمت عمر ما حد يوقفني ومستسلمش
مهما كام واحد كتفني عشان أثبت ومتقدمش
مستحيل أقول في يوم دا حمل تقيل
يا زميل إخترت طريقي أكون قاتل ما أكونش قتيل
[اللازمة]
حياتي من تراب لتراب
من تراب لتراب
حياتي من عذاب لعذاب
من عذاب لعذاب
حياتي من تراب لتراب
من تراب لتراب
حياتي من عذاب لعذاب
من عذاب لعذاب
letras aleatórias
- letra de pain - sapph1r3
- letra de hello - flying squid
- letra de tough - ynkeumalice
- letra de the met - noah j. ricketts
- letra de nostalgic for a daydream - ashley ye
- letra de tarantino - d33n
- letra de in the shop - oboeshoesgames
- letra de hanyalah kasih mu - dayang nurfaizah
- letra de bring it back - the underground avengers
- letra de the great pretender - april boy regino