a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de elkhoulasa - mc amin

[المقطع الأول]
خليك معايا إفهم من أمين أصل الحكاية
اللعبة لما بدأت كنت فيها من البداية
شفت كل واحد لما فكر يدخل المجال
وعرفته على حقيقته ودي الحقيقة بدون جدال
وكانت المنافسة طبق الأصل للقتال
حرب قذرة فيها كل شي مسموح شغال
شفت اللعبة بتغير في الناس وبتلعب في النفوس
وكان أساس حياتي الإصرار على النجاح والفوز
مع المحافظة على الأصول ومعيار الرجولة
ودا اللي خلاني الكبير وبدأت البطولة
وخدت جايزة اولى هيا حب شعب ناسي
ايوة هيا فكرة جت في راسي دا شئ أساسي
الوضع لازم يتغير بقولها من 8 سنين
والتسجيلات على النت موجودة في عين التخين
مابركبش موجة ولا بهيج في الهوجة مع القطيع
أنا الجنرال إم سي امين واسأل الجميع

[اللازمة]
هيا دي الخلاصه جيالك الرصاصه من القناصه
مش محتاج حراسة إنتا فاشل بالوراثة
هيا دي الخلاصه جيالك الرصاصه من القناصه
مش محتاج حراسة إنتا فاشل بالوراثة
حد يعرف يعني كلام من تحت الأرض طالع
حد سأل نفسه ليه موجود في شارع شاعر شاعر
حاسس لامس كل حاجة انتوا فيها عايشين
طبعا دلوقتي عارفين مين هوا إم سي أمين
صنع في مصر من مصر لأجل مصر
بررررررررر
صنع في مصر من مصر لأجل مصر
بررررررررر
صنع في مصر من مصر لأجل مصر
آآآه
إفهم ركز إسمع يبني

[المقطع الثاني]
مش لازم اكون بغني شعبي عشان اغني لشعبي
ولما كلامي بيوصل كدا بحس بقيمة تعبي
كلام مضمون فيه المضمون
ومهمة الناس يقولوا مجنون
انا عارف ان ضريبة النجاح ساطور مسنون
بيكون على رقبة الإنسان لحد ما أصله يبان
يكون إنسان قبل مايكون عايش عيشة فنان
كمان في نقطة مهمة إنه يكون عنده ضمير وذمة
مش منافق ولا بايع دماغة وهايص جوا اللمة
بالذمة في كم واحد بيحاول يوصل للناس
كم منهم بيقول كلام وخلاص ومين هوا الأساس
الجمهور هوا اللي بيحكم والحكم النهائي فإيدوا
مهمة تعيدوا مهمة تزيدوا هوا بيختار اللي يفيدوا
رضيتوا ولا مارضيتوش وافقتوا ولا ما وافقتوش
الناس بتفهم من اللي منهم بينهم من شكل الوشوش
يارب حوش جيوش الحاقدين الكارهين
واللي موافق ع الدعوة إديه لفوق يقول آمين !!

[المقطع الثالث]
قائد العروبة بيحقق العدالة المطلوبة
بكلمات مكتوبة ترجع الحقوق المسلوبة
بحارب كل ظالم عاوز يعمل لحسابه سبوبة
على حساب ناسي المقتولة في سبيل حرية منهوبة
بتحرك في خطوط مستقيمة بواجه الجريمة
والفساد في كل ركن في البلاد موجود وليمة
قتل الأموات دايما شغال دي عادة قديمة
لكل القادة وكل السادة لولا الناس هقول شتيمة
في أي دولة عربية بتلاقي الحاجة الأساسية
ان الشعب مغلوب على أمره في وسط المحمية الطبيعية
أسود وفهود بتنهش في لحوم الكائنات النباتية
علشان تقدر تعيش وتكون في الثروات المادية
ودي الحقيقه المؤسفة وجود القوة الخاسفة
بس القوة الناسفة في كلامي زي العاصفة
بتلبش السحاب بغيوم الراب يعمل إعصار تراب
ياخد كل الخراب في الف داهية بالهنا والشفا

- mc amin

letras aleatórias

MAIS ACESSADOS