letra de a l'entrada del temps clar - angelo branduardi
a l’entrada del temps clar, eya
per jòia recomençar, eya
e per jelòs irritar, eya
vòl la regina mostrar
qu’el’es si amorosa
a la vi’, a la via, jelòs,
laissatz nos, laissatz nos
balar entre nos, entre nos.
el’ a fait pertot mandar, eya
non sia jusqu’a la mar, eya
piucela ni bachalar, eya
que tuit non vengan dançar
en la dansa joiosa.
a la vi’, a la via, jelòs,
laissatz nos, laissatz nos
balar entre nos, entre nos.
lo reis i ven d’autra part, eya
per la dança destorbar, eya
que el es en cremetar, eya
que òm no li vòlh emblar
la regin’ aurilhosa.
a la vi’, a la via, jelòs,
laissatz nos, laissatz nos
balar entre nos, entre nos.
mais per nïent lo vòl far, eya
qu’ela n’a sonh de vielhart, eya
mais d’un leugièr bachalar, eya
qui ben sapcha solaçar
la dòmna saborosa.
a la vi’, a la via, jelòs,
laissatz nos, laissatz nos
balar entre nos, entre nos.
qui donc la vezés dançar, eya
e son gent còrs deportar, eya
ben pògra dir de vertat, eya
qu’el mont non aja sa par
la regina joiosa.
a la vi’, a la via, jelòs,
laissatz nos, laissatz nos
balar entre nos, entre nos
letras aleatórias
- ace faden › letra de fast - ace faden
- kings of phrygia › letra de sweater weather - kings of phrygia
- damedot › letra de rodeo - damedot
- kedzer › letra de rolling stones. - kedzer
- okinawan folk song › letra de nubui kuduchi (上り口説) - okinawan folk song
- ms2013 › letra de solace in view - ms2013
- andon › letra de white line - andon
- selorm › letra de when i wanted you - selorm
- maggie gently › letra de don't have time - maggie gently
- ej the specter › letra de last rest - ej the specter