letra de yal wazir - lotfi double kanon
تم شرح و إضافة هذه الكلمات عن طريق الفريق العربي لموقع راب جينيوس ، انضموا إلى صفحتنا في الفايسبوك من هنا
[اللازمة]
يا الوزير ، فهمنا واش راك تدير
يا الوزير ، فهمنا وعلاه البلاد راهي فالدمير
يا الوزير ، أعطينا برك تفسير
الشعب ولا مسكين ما فاهم والو واش يصير
[المقطع الأول]
يا الوزير ، وعلاه في جانفي 2011
جبتولنا لافيولونس بهذيك لا لوا تع لي فينونس
قوانين نصوص جات بين ليلة و نهار
كي شغل جبتوا ليسونس و قلتوا هاكوا شعلوا النار
يا الوزير ، راك سهيت ولا نسيت
عمبالك واش يصير كي تقول للناس المعيشة تزيد
بالك بالنسبة ليك ما يهمش بيدون تع زيت
الشعب او مبليسي و نتا تصبلوا فلاسيد
يا الوزير ، و علاه كل خطرة راك تبيكي
تشم في ريحة الغاز و قاعد تلعب بالبريكي
تزيد تبروفوكي بهدايرك فالجورنال
تسخن فالشعب و تزيد تمدلو فالحجار
يا الوزير ، ظهرلي راك بدون ضمير
راك عمبالك بلي السيوفة في كل كرتي رام ماضيين
فالعوام ماضيين ، بالفتنة درتوا رافاج
و اليوم حابين طوفان باش تفلقوا لي باراج
[اللازمة]
[المقطع الثاني]
يا الوزير ، نقلك حل وذنيك اسمع
دير زية اسرع ، الهم راو توسع
الظلم او توزع و باقي في انتشار
و لا كبر يولي ضغط و الضغط يولد انفجار
يا الوزير ، رانا شفنا الصفقات
و شفنا قداه مسؤول عندو عقلية تع سقاط
الناس لي ترقت هوما الدواب لي جامي قرات
و الشعب ولادو فالزقاق يقابلو غير بالطلقات
يا الوزير ، المشاكل اي طغات
كل القطاعات فهذ لبلاد راي في إضراب
عمال ، إطارات ، شركات ، إدارات
و نتا تستقبل فيهم بلي مينوث و لا ماثراك
يا الوزير ، القرار تاعك نفسرو
أنو ما دابيك تشوف الناس برة يكسروا
كلها رام تقاسوا ، كلها عاشوا تعذيب
و نتا تحل فالمشاكل بالكريموجين تاع تل أبيب
[اللازمة]
[المقطع الثالث]
يا الوزير ، مشني جاي نسبلك أمك
مشني إرهابي باش نفتي و نحلل دمك
راني برك نقدملك أخبار تاع ناس ادمرت
و نضمنك بلي يجي نهار القبر راح يضمك
مشني … الشعب اليوم مشو حمار
عمبالو فهذ لبلاد شكون داير دي ميليار
شكون لي عندو الديار و الدراهم لهنا و لهيك
و شكون لي شراو أراضي بالديانر سيمبوليك
يا الوزير ، شو لعباد راهي حزنت
و نتا رام كرهوك حتى الناس لي رام في حزبك
“الشعب هزلك لافتات و قالك “ارحل
و نتا قلبك بارد راك تضحك ما زالك فرحان
يا الوزير ، البوندية يحسدوك
عمبالهم مهما تدير ، لي الفوق جامي يحاسبوك
عمر الصندوق بالسوارد تاع الشكارة
اسرق و كي تشبع روح قدم الاستقالة
[اللازمة]
letras aleatórias
- letra de coisas da vida - wanessa camargo
- letra de ginger - maasho
- letra de love magic - i☆ris (jp)
- letra de bekle ve gör - fuat
- letra de encore et encore - givmeall
- letra de raise it up - distant cousins
- letra de biegnę do ciebie - paweł bokun
- letra de purple black blend - lil windy
- letra de some other man instead - spin doctors
- letra de skolens højeste snit - tv·2