letra de habine / حابين - lotfi double kanon
[اللازمة]
حابين يشوفو ولاد الشعب مدفونين تحت لرض
حابين يشوفو ولاد الشعب غير بالفقر غير بالمرض
les cordes حابين يشوفو ولاد الشعب مخنوقين
la morgue حابين يشوفو ولاد الشعب يروحو الكل لـ
[المقطع الأول]
حابين يشوفو ولد الشعب ديما مطيّش البرّا
حابين يشوفو ولد الشعب مديقوتي و ديما كاره
حابين يشوفو ولد الشعب ديما مربّع يديه
حابين يشوفو ولد الشعب و المشاكل دايرة بيه
حابين يشوفو ولد الشعب يملّ من هاذ لحياة
حابين يشوفو ولد الشعب و المستقبل تاعو مات
حابين يشوفو ولد الشعب كيما الواد قاعد ينشف
كلش قاعد يشيح حابين ولد الشعب يفشل
حابين يشوفوه يكبر و يزيد فالعمر
يتعمّر بلي بروبلام و عمرو كامل يعدّي مرّ
حابين يشوفوه هنا فالهم ديما يعيش
حابين يبروفوكيوه باه يعيّط باه يهيج
حابين يشوفو ولد الشعب يخرج يكسّر
حابينو يدير مشكلة و مبعّد يولّي هنايا حاصل
حابين يبوسيوه بدّما يدير لعدم
حابين يشوفو ولد الشعب خامج بالدّم
[اللازمة]
[المقطع الثاني]
حابين يشوفو ولاد الشعب من لجوع ما يرقدوش
حابين يشوفو ولاد الشعب في العيد ما يْعَيْدوش
حابين يشوفو ولاد الشعب بالدموع في عينيهم
حابين يشوفو ولاد الشعب و الديار رايبين عليهم
حابين يشوفو ولاد الشعب في السبيطار يبكيو
حابين يشوفو ولاد الشعب في الشرع آم يشكيو
حابين يشوفو ولاد الشعب يسرقو في ديارهم
حابين يشوفو ولاد الشعب يتعاركو في بعضاهم
حابين يشوفو هنا ولد الشعب هنا في الطريق
مهبط راسو هاز قارو بين يديه
حابين يشوفوه كيما الدّاب يمشي عاطل
حابين يقلبوه بهيم يضحك ديما زاطل
حابين يشوفو ولد الشعب و معاه موس ماضي
حابين يشوفوه يرخس كي يخش عند القاضي
حابين يشوفو ولد الشعب في الحبس آو يتمرمد
حابين يشوفو أُمُّو تجيبلو القفة و تتعذب
[اللازمة]
[المقطع الثالث]
حابين يشوفو ولاد الشعب سيرثو لي جون
جيعانين جاهلين عايشين كيف لي زينديجان
حابينهم يطيشو الكارطابلة و زيد الستيلو
باه يخدمو غير في الطريق و جامي يخدموا في البيرو
حابين يشوفو ولد الشعب يبطل لقراية
ما يعرف يقرا جورنال ما يعرف يكتب بريّة
حابين يشوفوه كريمينال و باربار
باه يقدرو يعفسوه و يكرازيوه كي الكافار
ans حابين يشوفو ولد الشعب سيرثو تاع 18
قاعدين في الطروطوار و في يدّو قارو
ما عندوش حتّى باسبور con حابينو يبقى
يحلم بالفيزا و زيد الحرقة في البابور
حابين يشوفو ولد الشعب يطيّش الديبلوم
في الصباح يدير نصبة و في اللّيل آو بـ لالكول
حابينو يبزنس يخدم كوميرس حابس
و سبعة تاع الصباح ولدو يلم الخبز يابس
حابين يشوفو ولاد الشعب سيرثو لي قاريين
كارهين ، قدّاه نـ سنة في الشوماج قاعدين
حابين يشوفو لي كان طبيب و آرشيتيكت
هاز كارطونة و بحدا لومباساد راقد
[اللازمة]
letras aleatórias
- letra de ventitré - none faith
- letra de dishwasher - summer arachnid
- letra de aké to je (intro) - rnz (sk)
- letra de さみしがりな星 (samishigari na hoshi) - betcover!!
- letra de меня не обмануть (don't deceive me) - yatako esebe
- letra de ring true - let's active
- letra de je continue à danser - julia jean-baptiste
- letra de you say 'tis love - henry purcell
- letra de бай, бай, кохана (bye, bye, darling) - kozak system
- letra de embrace highs - kazimoretti