a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de fin 7a9na | فين حقنا - l9bi7

paroles de muslim & chaht man ” فين حقنا | fin 7a9na ” كلمات مسلم والشحت مان
[مقدمة]
مسلم، الخاوة شاحت مان
إيكي أي الثوري
إيكي أي متمرد
الثورة حتى للكفن
ييه دايمان، الراب المهيمن
واش أعشيري
فين حقنا

[المقطع الأول : الشحت مان]
ياو معاك الشحت مان كيما معاك مسلم
جيت ليوما الثوري معايا متمرد
جينا ضد نديررو الرد على حقنا اللي ضاع
جينا ضد ولا بد نفيقو الشعب اللي صاع
الخوصصة البلاد باركة تتباع
عندنا جوج بحور وحوتنا عل البلدان داع
السردين عندنا غالي، المسؤول شفر صرط بلع
الأرض فلاحية والخضرة عندنا ساوية
مطيشة عندنا غالية، الناس فقارى كاوية
فين حقنا فالفوسفاط، واللي جبدوا مات
جبدنا ليوما الأوجاع، وخا اللي فات مات
مال الناس نسات ، واليوم الحرب بدات
أيام الرصاص مشات
مصيبة أصابتنا والكلاب كلاونا فحقوقنا
الله ينعل اللي قال، سكتوا ماشي سوقنا
واليوم علَت أصواتنا، تايبان اللي غَدرنا
مانخاف من أحد نخاف من اللي خالقنا

[المقطع الثاني : مسلم]
دولة الحق والقانون، وشعبها فوق الكانون
وباش مايسمعو صداع اعطاوه كمنجة وقانون
والدنيا مال وبنون، والميزانية فاقدة التوازن
ولّينا عايشين فأمزون
كتشموا الأكسجين، وتبيعوا لنا ثاني أكسيد الكربون
حسبتونا بالقرون، حسبناكم رجال وطلعتوا دالكرتون
وبدات ثورة التمرد وبان العربون
عطيتوني وقلتولي ماتحلمشي طير
آش انعملو بحرية التعبير بلا تغيير
مابغيتشي صوتي، يبقى غير صداع فقاع البير
بغيت العالم يسمع باللي باغيين غير الخير
بغيت حقي مايبقاشي فجيوب الخونة
ويدا نكون بيض وكحل علاش نبان بصورة ملونة
ايو الشحت، الحالة مرونة
ثوري متمرد أسماء بالحمر ملونة

[اللازمة : الشحت مان و مسلم]
حقوق ضايعة د ناس الجايعة
فيدين الناس اللي ضميرها بايعة
بروح
بدم
تمرد
وثورة
جينا نبدلوا ڭاع الوجوه المزورة
x2

[المقطع الثالث : الشحت مان]
فين حقنا فالذهب
فين حقنا فالنقرة
حقنا فالضرب
والقميع فالهضرة
بغيتوا ماندويش، الشعب باغي غير السترة
لا صحافة لا راديو، وزيد التيفي اللي ساترة
واش بغيتوا نحاربوا، نهز السلاح من دبا
على بلادنا ندافعوا وخا تكون قدامي دبابة
خلصونا فشوماجنا، فالبلاصة ديرو اللجنة
باش يبان اللي قجنا، الناس عايشة مساجنة
جبدتوا علينا البترول وقلتوا راها غلطة
البترول تحت الأرض، سياسة علينا مسلطة
نقدر نكون غالط، فهاد الكلام اللي قلتو
بغيت غير نفهم عنداك عليا تسلتوا
بغيت حقي فسبتة وزيد حتى مليلية
واش أنايا مصطي كترت الضوز شويا
أنا غير الشحت و مان إيكي أي الثوري
جاي مع الشعب اللي على حقو يبرّي

[المقطع الرابع : مسلم]
نكتب بدمي على حال هاد البلاد
موحال تحسوا بينا نتوما فواد وحنايا فواد
أحلام ولاد بلادي دغيا كتولّي رماد
كيشوفوا المستقبل جحيم وهوما فيه عواد
وإدا كاتبان لك هانية هوّد ن تحت وشوف
كل مازدتي هبطتي غاتخلعك الظروف
غايبانلك الفقر ماشي غير حروف
محال يخرج للشمس يتربا فالكسوف
التوازن دالمجتمع مبني على تناقضات
محال الإجرام يخلق فين خلقوا قضاة
حيت اللي خلق فالخايب محال يعيش فالزوين
حيت كاين ولد الكاريان وكاين ولد التوين
وأنا والثوري اليوما، فبرلمان الشارع
قلنا غير الحق، والحق هو الواقع
بلادي تبقى بلادي وخا حقي فيها ضايع
والتمرد ثورة على اللي فحقنا يتبايع

- l9bi7

letras aleatórias

MAIS ACESSADOS