a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de naltra venessia - herman medrano

– questa qua xe a nostra su venessia
herman medrano e sir oliver kkardy
naltro punto de vista, naltro modo de vivere e robe
scolta ciò –

venessia co chel umido che te se taca ai ossi
venessia vento fredo che rodoea i scartossi
venessia de l’arte e patria del coeonbo
lo sa tuto el mondo, lentamente va a fondo
venessia tuti a pié, o tuti in vaporeto
quasi tuti uguai, dal rico al poareto
venessia giaponese, venessia in pulman che va fare e spese
venessia, do you speak inglese?
venessia se consuma, ciari de luna
venessia sta in pié pa un colpo de fortuna
venessia che se svoda, e i xovani va via
resta i veci e i richi de prima categoria
venessia dei ponti che mancava, dei canai che se scava
venessia se alaga e se alagava
venessia dà in afito, venessia mericani
xe colpa de turisti e dei sa morti cani

venessia ponti e sospiri, dai mori ai emiri
venessia ga na storia ovunque ti te giri
naltra venessia, naltra roba che no se conta
naltra storia naltra venessia quea sconta
venessia ponti e sospiri, dai mori ai emiri
venessia ga na storia ovunque ti te giri
naltra venessia, naltra roba che no se conta
naltra storia naltra venessia quea sconta

naltra venessia quea sconta

venessia bienae, venessia carnevae
venessia anca de quei che te p-ssa xo in cae
venessia studenti nee stanse, un osteo pa e vacanse
e i parenti a santa marta co e naranse
venessia comercianti che pianxe senpre el morto
venessia dee crocere ma sensa un vero porto
venessia abusiva, venessiani che te speta in riva
fermi tuti, spriss co l’oliva
venessia feste in maschera, romantica e ladra
venessia e i venessiani che comunque no se inquadra
venessia xe calcio che no i fa rivare in alto
venessia xe rialto, venessia antico smalto
venessia bancaree che tanti fa magnare
venessia dee maree che no se poe fermare
venessia xe afari pa i furbi e pa i scaltri
venessia maedisse senpre i morti… dei altri

oh yeaho naltra venessia quea sconta

pan e vin, pan e pesse, pan e anara
gran signori tuti soto la telecamera
parchè in canpo gira malcostume
i antenini te misura anca el volume
no se canta, no se bala, no se sona
perde tenpo chi va in batua de mona
i venessiani xe tornai casti e puri
dopo che i se ga venduo anca el sal petà sui muri
chi ga tuto e quei che resta co le voge
ghe xe quei che rinpianxe el doge
quei che crede de esser ancora nel setesento
de giorno xe ‘na fabrica de note un convento

venessia xe de tuti, no xe mai sta nostra
ga pi de 1000 ani, ma no li dimostra
p-ssando dai casini ai casinò al cloroformio
rivando dal barocco al rococò a campoformio

- herman medrano

letras aleatórias

MAIS ACESSADOS