a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de ya moutachadid / يا متشدد - guito'n

[مقدمة – جهادي تونسي في سوريا]
حبيت نوضّح حاجة للكلب والكافر رئيس تونس ما نتشرّفش حتى بش نحكي على اسمُه ما نفتشرفش حتى بش ننطق اسمُه ، يقول إنّه يطالب المعارضة السورية بإعطائه 3.500 مقاتل تونسي بسوريا ، يا أخي سيأتونك لا تتعجّل سيأتونك إن شاء الله وسيحرّرون البلاد إن شاء الله وسيحكمون الشريعة إن شاء الله ، لا تتعجّل سيأتونك حتى أكثر من هنا وهناك ، سيأتون من كل مكان وسيطهّرون البلاد والسلام عليكم ورحمة الله وبركاته

[المقطع]
ثلاثة عشر قرن عشنا توانسة مسلمين
فينا لي يشرب و فينا لي يسموكي و فينا المتّقين
عشنا مع بعضنا ثرنا زادة مع بعضنا
خاطرنا نعيشوا الفقر و زيد فوق هذا مقموعين
الفين و احداش خرجنا لإنتقام
و فما لي ما ثاروش معانا خاطر الثورة حرام
نفس اللي تخبو خرجو اليوم كفّرونا
مسلمين و كفار هكا قسّمونا
يقحرولك كي تتعدى في يدك قارورة
ناقم عليك كان يلقى يفجّر البورا بورا
ما يحبوش نواب يحبوا شيوخ في مجلس الشورى
سيادة مش للشعب تي هاي ولت بالغورة
بالنسبة ليهم أحنا زناديق و رهوط
يشوفوا فينا كفار و الحاكم يشوفوه طاغوت
ما نستغربش كان كوارجي برصاصة يموت
كان يفيقوا بيه ما قالش بسم الله قبل ما يشوط
الشعب التونسي شعب مسلم معتدل
نبقوا كونترا التشدد إنت تكتب هو يملّ
مجتمعكم juste مجتمعنا الناس الكل مش
اليوم وين فهمنا علاش الزين كان قامعكم
يا متشدد هاو ملخر كلمتين
الجهاد مش في تونس الجهاد في فلسطين
قيّد يا تاريخ في القرن الواحد العشرين
يحبوا رجم في الساحات و قصان يدين
شعب حر حد ما يتحكم فينا
ربي لي يهدي مش بالسيف إنت باش تهدينا
ديننا الإسلام كان إنتم شوّهتوه
ماناش كفار حتى أحنا ربي نعرفوه
نعرف في تفكيرك مش موجودة الحريات
عادي تفجرنا معاك باش توصل للحوريات
تي كان تلقى تمنع الاختلاط في النترنات
فايسبوك للرجال و فايسبوك للبنات
كلنا توانسة يا معلم خلينا وخّيان
تونس حاجتها بينا ماناش حارقين للطليان
عندك الحق تفسر وحدك القرآن
أما ما عندكش الحق تفرض علينا تفسيرك
نبقاوش مرهونين في إنت و ضميرك
حتى تولي تستعرف بحرية غيرك
ملخر و قول ڤالها ڤيتو آن
سيناريو قتل الشعب و قيّد على الأمريكان
قيّد على الماسونية أحنا خاطينا الإرهاب
مش أحنا قصينا ريوس مش أحنا لي كلينا عباد
مش أحنا لي قتلنا الجزائر في التسعينات
مؤامرة صهيونية خاطينا هالممارسات
ديما خاطينا خاطينا سيناريو ولا قديم
شعب ما تجدش عليه خاطر ماهوش زكيم
إنت مسلم تكفيري إنا مسلم تفكيري
إنت يسيّرك إمام و أنا يسّيرني ضميري
تخزرلي كافر أنا نخزرلك ضحية
و نشوفك بعت بلادك لقطر و السعودية
نحب بلادي كي اليابان و إنت تحبها كي السودان
درابويا نجمة و هال درابوك متاع طالبان
إنا نقدر بنت بلادي خرجت معانا في الثورة
إنت تشوفها ناقصة عقل المرأة عندك عورة
انا نحبها هي زادة تشارك في بناء وطنها
و انت تحبها في سوريا تمشي تعطي بدنها
نتمنى نشوفها تطلع في صاروخ الفوق
و انت تحبها تشد الدار ممنوع عليها تسوق
تحب تولي تعرس بيها و تطلقها بكلمتين
و انا كونتر انك تاخوها عمرها ١٠ سنين
نحب المساواة و الشعب يكون عيّاش
و انت تحب ٤ نساء و الزوالي يبقى بلاش
انا نحب ديموقراطية و حكومة تحت القانون
و انت تحب خليفة صلاحياتو اكثر من فرعون
نحب رئيس يتحاسب كيفاه و علاه
و انت تحب حاكم اللي يعارضوه كأنّه عارض الله
قمعنا بورڤيبة و زاد قمعنا الزين
جاي تحب تفرض دكتاتورية جديدة باسم الدين
نحبوا النظام اللي للمريخ طلع البشر
و انت تحب النظام اللي قتل الصومال بالشر
نظام سبّب الفتن و قسّم السودان
خلا لي تقرا تتطش بماء فرق في أفغانستان
ما نحبوش العراء أما نحبوا حلول
و إنت تحب دولة خلافة ما حكاش عليها الرسول
حاربنا على جال الحرية قداش من عام
ما نرضوش بعباد يشوفوا الديمقراطية حرام
حشتنا بكفاءات هزوا علينا شيخكم
عمركم ما نظمتوا انتخابات في تاريخكم
عمركم ما استعرفتم لا بتصيوت لا بترشيح
في سيستامكم لغة وحدة سياسة التذبيح
ملخر حر ما نخضعش لحد تهنى
بيني و بين اللي خلقني مش انت الي باش تدخلني للجنة
كلنا توانسة خواتك و انت خونا
أهايكا الصحرا حطوا خليفة و اخطونا sinon
زبراط و إلا عامل لحية كلنا وخّيان
شبيك تحب تحاسبني في بلاصة ربي يا إنسان
كل واحد يعرف مصلحتو كل واحد و أمورو
سيادة للناس الكل علاش انتو ما تحبوا تغوروا
تحب الفتاوي تحكم تونس الغد
اليوم يحكوا على الحرية غدوة يذبحوا المرتد
يحبوا ينحوا العلماء يحطوا في بلاصتهم أيمة
مع إحترامي لأيمة نحب بلادي في القمة
يا متشدد ڤيتو آن ما حاجتوش بفلوسكم
اقتلوني أما الشعب يقصلكم ريوسكم
كلمة الحق نقولها و جامي نسلم
رابوراتنا جبناء حد ماهو باش يتكلم
ثورتنا باش نحموها و ما على بالنا بيكم
خاطر كلنا عارفين التعليمات منين تجيكم
ما عنا ما نقولوا كان ربي يهديكم
مش منكم ملي باسم الدين يتاجر بيكم

- guiton

letras aleatórias

MAIS ACESSADOS