letra de de toutes flours - guillaume de machaut
de toutes flours n’avoit et de tous fruis
en mon vergier fors une seule rose:
gastés estois li surplus et destruis
par fortune qui durement s’opose
contre ceste douce flour
pour amatir sa coulour et s’odour
mais se cueillir la voy ou tresbuchier
autre après li ja mais avoir ne quier
mais vraiement ymaginer ne puis
que la vertus, où ma rose est enclose
viengne par toy et par tes faus conduis
ains est drois dons naturex; si suppose
que tu n’avras ja vigour
d’amanrir son pris et sa valour
lay la moy donc, qu’ailleurs n’en mon vergier
autre après li ja mais avoir ne quier
hés! fortune, qui es gouffres et puis
pour engloutir tout homme qui croire ose
ta fausse loy, où riens de bien ne truis
ne de seür, trop est decevans chose;
ton ris, ta joie, t’onnour
ne sont que plour, tristece et deshonnour
se ti faus tour font ma rose sechier
autre après li ja mais avoir ne quier
letras aleatórias
- letra de (no)mercy freeverse - izuna
- letra de successful - murdock
- letra de (love me) like you used to do - cory morrow
- letra de gold skies - marton & fakky
- letra de from toxin vl-remix - hidden hospitals
- letra de le lagon bleu - wezen
- letra de pools of a vernal paradise - obsequiae
- letra de twerk - savage (rap)
- letra de otra vez remix - osmerlin
- letra de i wanna know - best coast