letra de to a gentleman - robert burns - gordon kennedy
kind sir, i’ve read your paper through
and faith, to me, ’twas really new!
how guessed ye, sir, what maist i wanted?
this mony a day i’ve grain’d and gaunted
to ken what french mischief was brewin;
or what the drumlie dutch were doin;
that vile doup-skelper, emperor joseph
if venus yet had got his nose off;
or how the collieshangie works
atween the russians and the turks
or if the swede, before he halt
would play anither charles the twalt;
if denmark, any body spak o’t;
or poland, wha had now the tack o’t:
how cut-throat prussian blades were hingin;
how libbet italy was singin;
if spaniard, portuguese, or swiss
were sayin’ or takin’ aught amiss;
or how our merry lads at hame
in britain’s court kept up the game;
how royal george, the lord leuk o’er him!
was managing st. stephen’s quorum;
if sleekit chatham will was livin
or glaikit charlie got his nieve in;
how daddie burke the plea was cookin
if warren hasting’s neck was yeukin;
how cesses, stents, and fees were rax’d
or if bare -rs-s yet were tax’d;
the news o’ princes, dukes, and earls
pimps, sharpers, bawds, and opera-girls;
if that daft buckie, geordie wales
was threshing still at hizzies’ tails;
or if he was grown oughtlins douser
and no a perfect kintra cooser:
a’ this and mair i never heard of;
and, but for you, i might despair’d of
so, gratefu’, back your news i send you
and pray a’ gude things may attend you
letras aleatórias
- letra de legami - jamie ptg
- letra de saules noburtā - sudden lights
- letra de abandonment - undead ronin
- letra de kurwa kurwa - vassendgutane
- letra de use my body - mavis john
- letra de it's somewhat there - wallacebreenmusic-wbm
- letra de wave - mark tremonti
- letra de forgive, you - moneyatmidnight
- letra de off the rails - essem
- letra de whatever i (demo) - franklin5128