a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de hiphop - fabian merlo

intro:

ich bi na jung gsi, ha nur so sound mit gitarre wellä
dänn hani di troffe und gliebt wie du chasch gschichte verzelle
du bisch so ächt gsi und häsch di nöd mal welle es bitzli verstelle
will du eifach andersch bisch und en figg gisch uf regle

strophe 1:

ha dini schönheit gseh aber au die wuet i dier p-sst guet zu dier
häsch mer dä chopf verdräht und anderi inträsse usradiert
partys und girls – alles ja nice und so
wasi wükli ha wellä isch vo minere click dä geilschti flow
s’isch wükli herrlich will alles isch so eifach mit dier
ha es mic id hand gnah und die erscht rhymes fabriziert
has au gliebt wie du dich bewegsch und die bilder wo’d malsch
d-ss das damals niemer begriffe hät isch mer ziemli egal
dank dier fühli plötzli so öppis wie zueghörigkeit
yes dä bueb börnt das mic und hät es buech gfüllt mit rhymes
scho bald au uf d’stage zum det mini flows bringe
sälbschtvertraue wachst und bühni wird zum eigne wohnzimmer
hebe ab wie hochspringer, erwiitere mini horizont
für dich bini iigstande, jederziit a forderschter front
lern verschideni facette känne, sie wachsed mier as herz
häsch mi riich beschänkt, unändlich geile platte und konzert
vieli vo mine lielblingskünschtler hani spöter dörfe träffe
ha sie chönä interviewe, sind momänt woni nöd vergässe
egal wo uf dä wält wirdi gliichgsinnte begägne
dur dich sind fründschafte entstande, die bliibed fürs läbe
und nöd z’letscht hani dank dier min job
ha also meh als gnueg gründ zum säge: ich lieb hiphop
und nei du bisch na lang nöd tod, vergiss dä ganzi scheiss
irgendwänn pumpi bootcamp und wu-tang im altersheim

strophe 2:

los mal zu hiphop kei ahnig öb das chasch begriife
i jedere beziehig gits halt au paar schattesiite
bi nöd mit allem iiferstande was so machsch und tuesch
ich gibs ja zue meh als einisch ha di fascht verfluecht

s’hät mi nüt anders intressiert, ha mis läbe nach dier usgrichtet
ha mi nur limitiert, muess mi jetzt sälber wider uufrichte
ha ghofft du segsch loyal – ha gmeint du segsch mier
wäge dier hani krise durläbt – es isch scheisse p-ssiert
het chönä go reise, mich wiiterbilde und so viel richtige wähle
aber ha wellä mit dier und au vo dier läbe – villicht isch’s en fähler
sit 16 jahr am mic – verliebt meh als mis halbe läbe
wott nöd müesse zruggluege und säge das seg alles vergäbe
ha vieles defür gmacht, d-ss mer dich kännt i dä schwiiz
doch wänns drum gaht wer ch-rap pusht – wer dänkt da mich?
so viel stunde inveschtiert für die beschte interviews
het ich nüt drüber gschriibe het mer nie ghört vo vielne crews
ich chami nöd guet verchaufe – drum wirdi nie guet verchaufe
villicht ziehni en schlussstrich bevor s’droht usem rueder z’laufe
ich bin en idealischt, du meh als nur es mittel zum zwäck
wott mi nöd beschwere, mängisch fählt eifach es bitzli respekt

strophe 3:

wott nur stabilität s’isch nöd so, d-ssi numä meh gäld will
viles wo du repräsentiersch entspricht nöd mim wältibld
du bisch sexistisch, nur ufs gäld fixiert und h-m-phob
füersch ununterbroche din sälbschtverliebte monolog
gahsch in club wottsch immer im mittelpunkt stah – titte und arsch
gucci, prada – es paar b-tches am start
du verherrlichsch gwalt, bisch eine vo dene waffenarre
statt bi dä lüüt uf dä str-ss hocksch im club und paffsch zigarre
ja klar wirsch missverstande und uf klischees limitiert
will sich d’mehrheit vo dä lüüt für dini gschicht nöd intressiert
sie händ dich usem ghetto bracht aber nöd s’ghetto us dier
d-ss en spiegel vo dä gsellschaft bisch checked die deppe wohl nie
häsch di halt scho veränderet sit weisch was für en star du bisch
aber ich lieb di gliich, schliesslich känn ich dis wahre gsicht
oder wott ich dich nur so gseh wie ichs wett
debi lauft nüt meh zwüschä eus so wie im eheliche bett
mier händ villicht mängisch krise, s’hät sich scho besser mit dier gläbt
aber merci gliich na für all die gäschtelischteplätz
und jetzt im ernscht – au wänn sich d’liebi und dä h-ss chli vermischt
bisch und bliibsch du eini vo dä schönschtä näbesache wo’s git (fo’ real)

- fabian merlo

letras aleatórias

MAIS ACESSADOS