letra de quant amors trobet partit - estampie
quant a mors trobet part-t
mon cor de son pesamen
d’una tenson m’asalhit
podetz auzir comen
amix peirols, malamen
vos anatz de mi lunhan;
e pus e mi ni enchan
non er vostr’entencios
diguatz; pueys que valretz vos?
«amors, tan vos ai servit
e nulhs pechatz no’us en pren
e vos sabetz quan pet-t
n’ai avut de jauzimen
no’us ochaizo de nïen
sol que’m f-ssatz derenan
bona patz, qu’als no’us deman;
que nulhs autres guazardos
no m’en pot esser tant bos.»
«peirols, metetz en oblit
la bona domna valen
que tan gent vos aculhit
e tan amorozamen
tot per mon comandamen?
trop avetz leugier talan!
e no’us era ges semblan;
tan guays e tan amoros
eratz en vostras chansons.»
«amors, anc mais no fatlhit
mas ar falh forsadamen;
e prec dieu jhesu que’m guit
e que trameta breumen
entre’ls reys acordamen
que’l socors vai trop tarzan
et auria mestier gran
que’l marques valens e pros
n’agues mais de companhos.»
«peirols turc ni arabit
ges per vostr’ envazimen
no laissaran tor davit
bon cosselh voss don e gen:
amatz e chantatz soven!
iretz vos, e’l rey no’i van?
veiatz las guerras que fan
et esguardatz dels baros
cossi trobon ochaizos!»
«amors, si li rey no’i van
del dalfi vos die aitan:
ja per guerra ni per vos
no remanra, tant es pros.»
«peirols, maint amic partran
de lurs amiguas ploran
que si saladis no fos
sai remazeran joios.”
letras aleatórias
- letra de rearview (ridin') - bobby v
- letra de ultimate flow - re-up gang
- letra de scenario - you
- letra de crv - carla's dreams
- letra de brzydkie dzieci - zanderhaus
- letra de 6 d!g!ts - therealkingdøm
- letra de beast - lucas shin
- letra de dein herz schlägt schneller - fünf sterne deluxe
- letra de young - dm the name
- letra de tarzan - sadek