letra de masr yamma ya baheya - el sheikh emam & ahmed fouad negm - أحمد فؤاد نجم
يسبق كلامنا سلامنا يطوف ع السامعين معنا
عصفور محندق يزقزق كلام موزون و له معنا
عن الارض سمرا و قمرا
و ضفه و نهر و مراكب
و رفاق مسيره عسيره
و صورة حشد و مواكب
ف عيون صبيه بهيه
عليها الكلمه و المعنا
مصر يمه يا بهيه
يا ام طرحه و جلابيه
الزمن شاب و انتى شابه
هو رايح و انتى جايه
جايه فوق الصعب ماشيه
فات عليكى ليل و ميه
و احتمالك هوه هوه
و ابتسامتك هيه هيه
تضحكى للصبح يصبح
بعد ليله و مغربيه
تطلع الشمس تلاقيكى
معجبانيه و صبيه
يا بهيه
الليل جزاير جزاير
يمد البحر يفنيها
و الفجر شعله ها تعلا و عمر الموج ما يطويها
و الشط باين مداين
عليها الشمس طوافه
ايدك فى ايدنا
ساعدنا
دى مهما الموجه تتعافى
بالعزم ساعة جماعه
و بالأنصاف نخطيها
مصر يمه يا سفينه
مهما كان البحر عاتى
فلاحينك ملاحينك
يزعقو للريح يواتى
اللى ع الدفه صنايعى
و اللى ع المجداف زناتى
و اللى فوق الصارى كاتب
كل ماضى و كل آتى
عقدتين و التالته تابته
تركبى الموجه العفيه
توصلى بر السلامه
معجبانيه و صبيه
يا بهيه
و يعود كلامنا ف سلامنا يطوف ع الصحبه حلوانى
عصفور محنى يغنى
ع الافراح و من تانى
يرمى دى الغناوى تقاوى
تبوس الارض
تتحنا
تفرح
و تطرح
و تسرح
و ترجع تانى تتغنا
اللى بنى مصر كان فى الاصل حلوانى
letras aleatórias
- letra de yar qasidi - elvin nasir
- letra de splash, pt. 5 - ashe 22
- letra de тогда (then) - angelgard
- letra de pshit - belen brun
- letra de uxoa - burutik
- letra de volver a amar - taotiang
- letra de auto show mix - dj raymond [pr]
- letra de skeleton (demo) - maddie pieper
- letra de i still call it home - james johnston
- letra de felicidad* - santy-p