letra de islami | إسلامي - el rass
[“كلمات الراس “إسلامي]
عم يسأل اذا مسلم فبسأل مين عم يسال، حسب
كيف بيفهم الاسلام وعاي اساس هو للفكرة انتسب
هو نسب ولا ورثة يعني مش انا اللي بختاره؟
هو حضارة يعني صلاتها وخطط تصريفها الصحي؟
ولا دولة واستعمارها تقبل هزيمتها وانكارها؟
ولا الخليط مع الاستعمار الجديد مظاهر استنارة؟
ولا ثورة جايي تصحح نفسها؟ اصل البحث الديني نفسي
ثورة على فهم النفس
بدي منه املالي كاسي
قال الدين عند الله الاسلام والاسلام اخر الاديان
يعني الاسلام مش دين الاسلام نهاية الاديان
ميشان هيك كلن لهم دين ولي دين
عالحدود واقفين
طبلة بس هندية و بتصلي الفجر بالعين
وين بيروح دين المستعمِر لما يستعمَر
وين حيصحى حلمن لما يناموا الاميركان
لما شكله يبلى كيف المعتقد يستعمل
دورة حضارات دورة حضارات
طب شو بعمل بنام؟ ولا بطعج لساني
بننتج ثقافات بننتج ثقافات
وبالاخر لوين؟ عمكتب جلادي
توقع عحتمية استعبادي
وصير الرجل المصنوع من مشتاقات بترول
الهائم على وجه الارض الهلامي الحيادي
الا بشؤون الاعادة واعادة تدوير بسذاجة التحوير دون قاعدة تأويل وللسادة الافادة ومن السادة افادة تيرجع بطل كرتون ديكور جديد لبلادي
بحبك قلها البهلة قالتله يحبك برص
وعشرة فرس
مش اسلام خميني ركوب ايراني استعماري
مش اسلام وهابي زاوج قواد ومغالي
مش اسلام اخواني هرم مرشد وبطانة
مش اسلام الازهر بيكفي للعقل اهانة
مش اسلام الطرق ما في باسلامي وسيط
مش اسلام دواعش عم ينتحرنا العبيط
مش اسلام اسلامي فاعل مفعل مش افعالي
مش اسلام المعهد الغربي واطي او عالي
انا رايح عاسلامي مش جايي منه
اسلامي مسيحي صحراوي ومصراوي برضه
هيليني يوناني عقلاني واللغة ارضه
اسلامي الثورة فرضه والفكر تكليفه
والذكر تكييفه ليظل دار التواضع مضيفه
اسلامي عروبتي وعروبتي شاميتي والكردي خالي
يساري الزاهد الصحراوي
يميني الفارس البغدادي
مع انه ظهري لاثينا بالفكرة وبالفلة
ووجهي صوب جنوب لقبلتي المحتلة
اسلامي مصارحتي بالعلة لقبيلتي المختلة
متل ما بشوفها مش عاساس كيف بدي ياها تشوفني
ما نحن واحد
نزل بيروت ضله واحد ايام بيقلب واحد بس ينغرم بس مش واحد ما بينهضم. زعلت؟ هاتي بوسة. كلنا مستعمرون يا حنون. عيطت القافية لريح المنون. سكتتها
اسلامي مش مهووس بالموت. بس محبوس بمعيارك. طالب حوارك مش اختيارك. اسلامي مش مالوف مضمونه
والدين وجه شرع ووجه اعجاز
وجه فرض وجه احسان
وجه ملك وجه انسان
وجه متل ووجه غير
اسلامي سلاح تهذيب الخيال
لقاوم لعنة بابل بتطويع الكلام
مش احصنة وسيوف
هيك بتفنطظ الاسلام يا انزور
ونفس المفاهيم بتدور. تجديد ملغوم
اسلامي سلاح نفسي تافهم معنى الصورة وحجم التهديد
مش غض بصر سعي لبصر حديد
letras aleatórias
- letra de it's revival - sashavande
- letra de narkotyk (fotografie remix) - cheatz (pol)
- letra de продала любовь (sold love) - камо (kamo) [rus]
- letra de bastard - flonky chonks
- letra de pastel pink - moonfi
- letra de about me - savzseptt
- letra de the best - flamosky
- letra de art show - tierra whack
- letra de glückwärts - helene fischer
- letra de hot *freestyle - fbf k.o