letra de monaliza tania | موناليزا تانية - el joker
[المقطع الأول]
كان نفسي أشق طريقي والفشل يغرق ورايا
الناس مش عايزة تآمن، يعمل إيه موسى بعصاية؟
مش فاهمين الفرق بين المعجزة والسحر
رغم وجود كل دي تراكات شايفك ساجد لعجل
كاره كل شمس طالعة، بحب كل يوم عدى
هاخد إيه لو قالوا عني عبقرية نادرة؟
الناس مش عايزة الصح، الناس دي جاية عشان تصقف
بعدين يروحوا يصقفوله، اتساوى فنه بفنك
اللعنة مش في القلم، مش بستعمى الأعمى أنا
سبب سوء فهم الجمل عدم استيعابكوا وجة الشبه
معقولة شافوا الصورة كاملة رغم عدم وجودك؟
معقولة تشوفها في حضنه ملكش الحق تقول بتخونك؟
بصالي من كل إتجاه، تكون موناليزا تانية؟
مش شايفك لابسة تاج، ولا سامع مزيكة هادية
خايف بعد بوستي، برضو يقولوا موتي
ساعتها مش هيوافقوا يحطوا جنب قبرك صورتي
[اللازمة]
لازم أغرق يعني عشان تحسوا بحاجتي لطوق؟
لازم أبقى تحت الأرض عشان يتشاف معظمكوا فوق؟
مش دي الحرية برضو؟ ولا برضو قلة ذوق؟
كل وردة جاتلي دبلت مش فاضل فيها إلا شوك
لازم أغرق يعني عشان تحسوا بحاجتي لطوق؟
لازم أبقى تحت الأرض عشان يتشاف معظمكوا فوق؟
مش دي الحرية برضو؟ ولا برضو قلة ذوق؟
كل وردة جاتلي دبلت مش فاضل فيها إلا شوك
[المقطع الثاني]
آسف لوحتي غامقة، مش قاصد مسح إبتسامتك
طول ما ماتعاقبش حد مش هطيق أسامحك
رايح مصحة يمكن أعيا عشان تقولوا عالجوه
في الطوفان سفينتي تعوم، مش في البحر اللي شربتوه
قاعدين فوق نفس الكنب، مر علينا نفس الزمن
عشنا نص ساعة سوا، عشت لوحدي حوالي سنة
ماتقوليش الذنب ذنبي، جيتي هروباً من كوكبك
محدش في المدينة يتوه في طريقه لقصر الملك
مش لازم كل كلمة تتبعت كتفي الشمال
ممكن تبقى النية مهدي بس إنت تشوفه دجال
مش هتتسمى العروسة إلا لما يزوقوها
طول ما إيدي ماسكة إيديها عمري ما همسك إيد أبوها
عمري ما لعبت كورة فا عمري ما خسرت فورة
أبويا قالي يابني ماتمثلش دور مش دورك
رميت صنارتي، طلعت سمكة، أكلتها ورميتها
يمكن تنزل تقولهم مش كل الناس فوق وحشة
[اللازمة]
لازم أغرق يعني عشان تحسوا بحاجتي لطوق؟
لازم أبقى تحت الأرض عشان يتشاف معظمكوا فوق؟
مش دي الحرية برضو؟ ولا برضو قلة ذوق؟
كل وردة جاتلي دبلت مش فاضل فيها إلا شوك
لازم أغرق يعني عشان تحسوا بحاجتي لطوق؟
لازم أبقى تحت الأرض عشان يتشاف معظمكوا فوق؟
مش دي الحرية برضو؟ ولا برضو قلة ذوق؟
كل وردة جاتلي دبلت مش فاضل فيها إلا شوك
letras aleatórias
- letra de scared - mass the difference
- letra de #kizunaplus - girls
- letra de darkness - d-row (official)
- letra de escamotage - graman
- letra de enquanto o tempo - gnu
- letra de drug$ - social lubricant
- letra de chess piece - ril & kayykayy
- letra de don’t let me leave - bogie
- letra de desert lands - david hodges
- letra de un doute - elh kmer