letra de el raqsa el akhira | الرقصة الأخيرة - el joker
[المقدمة]
بطلت أكلم حد لحد ما حد خد بإيدى
لو مكانتش إقتنعت بيا مكانتش ظهرت عبقريتى
كله أصاب فيما أصاب ، وأخطأ فيما أخطأ
الحق أحق أن يُتبع مهما هنوصل أبطأ
[المقطع الأول]
إنت عمرك ما اقتنعت بـ قد إيه بنكمل بعض
أنا لاحظت كون الفكرة بتقوى بنقد نقط الضعف
تعدد عصبياتنا فى العموم شيئ مفيد
وإن استمر الفيل فى إعتقاد إن الإله فيل
بلجألك إختصارا فى اللى أنا فيه فعلا محتاجك
مستحيل حد من الصفر لوحده يعرف كل حاجة
ده مش معناه إنى أقل ، ولا إن انت أعلى
أنا بقفل التآويل ، وانت بتغرق فى المعنى
لسه معرفتيش من إمتى مبتفهميليش ولا كلمة ؟
من ساعة ما كل حاجة معاكى إبتدت تكون مملة
عمرك ما شوفتى حقيقتى ، ولا فهمتى حقيقة ده كله
كل واحد شاف التانى الواحد اللى حب يكونله
مضطر أسيبك وأمشى منعا للمخاطرة
الورقة رافضة أعيشلك وأبقى أزورها كل فترة
أنا بشرح على قد عقولكوا ، ولسه متفهمش شرحى
انت كلامك مات ، وإنت لسه عايش ، إنت سطحى
[اللازمة]
أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها
[المقطع الثاني]
ظروفه كانت غير ظروفهم ، فخرج عن الإجماع
ظروفنا الآن شبه ظروفه فـ اجتمعنا على فتواه
مش فى صالحك يبقى مثالى طول مـ انت فى قمة متعدد
باب الإيمان قصير ، مبيدخلوش متكبر
سيبيلى حاجة أفتكرك بيها ، حاجة ريحتك فيها
حاجة استخدمتيها ، فى أوقات مش حبانى أعيش ناسيها
للهروب من واقعهم ، للأسف لازم توقيعهم
يؤسفنى أقولك -فى بعض الحاجات- شبة طيعهم
بس ده مؤقتا ، هما يقولوا بطل وأبقى بطل
وأوعى إنتظارهم إنك تقع هو اللى يسقطك
وتبدأ النهاية بـ إنى أقبل حاجات مرفوضة
واحدة بجمالك إنتى فى بالى صعب تكون موجودة
أجزاء شبه عشوائية سوا تبان مخيفة
انت سامع مـ الغنوة آله بتعزف صوت مؤامرة سخيفة
اللى فى صالح السيناريو طول عمرى بنفذه
لو أبرهة بيغرق قبل عام الفيل هروح أنقذه
[اللازمة]
أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها
[المقطع الثالث]
معرفتش أشكر مين ساعتها وعدى الموقف عادى
مجاش فى بالى إن أنا الشخص اللى أنقذ حياتى
براجع نفسى لما ألاقينى تهت فى التفاصيل
فـ أنفصل عنى الجزء اللى مراقبنى من بعيد
شايفك يا بلدى بتبصيله ، وإنتى بترقصيله
بصة فلسطينى لإسرائيلى ناهب محصول طينه
فى لوحات يادوب ، فيها بسيب كذا خط ولون
كوّنوا فى كل عصر كل رسمة تفيد الكون
غلبانة ، بتقول للناس إنها بكره هتنسانا
مش عارفة إن اللى يعيش من غيرنا أكيد معاشش معانا
صدقى اللى إنتى بتحسيه ، كدبى اللى إنتى بتشوفيه
استخدمى البعد اللى إنتى عارفة إنك فى حضنى فيه
كان باين فى عينيكى الزهق
مبانتليش فى عينك غيرة
قلتلك إنى عارف إن دى الرقصة الأخيرة
[الخاتمة]
أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها
أسئلة القرية دى محدودة جدا ، عالم تافهة
المدينة دى مبالغ فيها جدا ، عالم كافرة
البلد دى كاملة جدا بس أخينا عمره ما شافها
بقراها بمدنها بكل حاجة وحيدة بـ إختلافها
letras aleatórias
- letra de round here (album version) - glokk40spaz
- letra de あこがれストリート (akogare street) - cheeky parade
- letra de am i 3d? - ginsetsu
- letra de breaking character - good game
- letra de best seller - albany & damnpablo
- letra de cant try - kefum
- letra de right on - sweet image
- letra de peso pesado - diésdo
- letra de love self - shaé universe
- letra de meant to be - jared benjamin