a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de el harf | الحرف - el joker

[المقطع الأول]
لكل حرف معنى إذا جمعنا لغة الضاد
يصعب عليا أشوفكوا كل حروفكم اعتباط
سبت الشعر ليهم، جيت بفكر شعري ليكوا
لأجل ما أضيف العمق يصير بديل لسطحية أغانيكوا
تسع سنين، ورقة وقلم، زهق مبزهقش
شفت في وسطكوا جهل، ضعف، قلمكوا في لغتي خدش
فا رابكوا ليه مشفش نور؟ عشان ميستحقش
كفان، عن الفان، في غير مايك مفرقتش
الفكرة مش موهبة، الفكرة إن أنتوا كده
الفكرة في إنه مش بحار في البحر بدون مركبة
اليه يه والألف ألف، لو الترتيب بيختلف
فا المختلف صاحب تيار، لكن الشبيه ينجرف
تقاطع الشعر، مع الفلسفة، على بيتاتكوا ده أنا
بينكوا ورافض تصنيفكوا مدة طالت عن السنة
وسبت الومضة، في تفسيرات كلماتي الغامضة
تفسير البار التاني في كورس أنا إهانة صامتة

[اللازمة]
هتفوت سنين ويفسرولي جمل مبتتفهمش
زي ما بعد سنين فكوا كل لغز سابه دافنشي
عزيزي السطحي سيب فلسفتي روح لسطوره الناعمة
سطوري الجارحة أعلى من استيعاب جمهوره الأعمى
هتفوت سنين ويفسرولي جمل مبتتفهمش
زي ما بعد سنين فكوا كل لغز سابه دافنشي
عزيزي السطحي سيب فلسفتي روح لسطوره الناعمة
سطوري الجارحة أعلى من استيعاب جمهوره الأعمى
[المقطع الثاني]
عاتبت ورقتي، كرمشتها، نسيت فلسفتي
شفت بأم عيني ناس هدفها أدفن رسالتي
السفسطائي، اتلقبت، فا انطوائي، ساعتها اخترت
ناقشت الفكرة كفرتوتي مع إني لما عطشت
شربت الكفر فترة، لكن مستحلتش طعمه
التفسيرات الناقصة، سخرها الإلحاد لطاعته
عاشرت القوم، بس يوم، ما تفسيراتي اكتملت
روحي شدت نفسي، نفس النفس عليهم قبلت
وبعد سابع مقالة، جت فكرة الاستقالة
فا قفلت مدوناتي، بعد نتيجة مش بطالة
يدق تاني الشعر بابي قلت أنا موجود
لقيت ألحانكوا بتنده قرب أكتر للجمهور
سابقت الزمن، لكن لكل تعب تمن
وكفاية تعيش سطور حتى وصاحبها في حضن الكفن
فا إسالني ليه رفضت اتصنف منكوا؟ مش بتعالي
مجموع أوائل الحروف في اللي فات إجابة

- el joker

letras aleatórias

MAIS ACESSADOS