letra de 24 eirat | ٢٤ قيراط - el joker
[المقطع الأول]
حبيبتي .. حافظي عـ العهد اللي بيننا ودايما افتكريني
لو الليل حاوطك في يوم ومتصلتش كلميني
ودعها وسافر ، سنتين واكتر بيعافر
١٨ ساعه شُغل ، وياكل أرخص شئ يتاكل
ويصبر نفسه بفكرة حوش أكتر ترجع أسرع
ويوفر حتي السكن بإنه يبات مع أمن المصنع
وفي ليله اتقبض عليه نتيجة خطأ تحقيقات
لإنه كان بيصلي في جامع إتخطط فيه لتفجيرات
قال إيه بيهدد أمن الدوله فـ بالطبع إتخفي
في سجن فيه كورسات تعذيب يوميه ومكثفه
مفادهمش بحاجه ، ومحتاجوش دليل إدانه
علشان يرموه في زنزانه ، لحد ما كل التحقيقات تتقفل
إترحل لبلده بعد عذاب ١٦ شهر
مش باقي من تحويشة عمره طبعا الا قهر
دخل علي اهله البيت الكل حضنه في نفس الوقت
أمه وسط دموعها قالت لأبوه اهو عايش اهو … صدقت ؟
[اللازمة]
الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا
الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا
[المقطع الثاني]
في عز ضحك الأهل سأل عن حبيبته سكتوا
الأب : يا ابني كله اتخطي حزنه عليك بطريقته
سأله بصدمه: يعني ايه؟ … رد بعجز: اتجوزت
ثار و سأله: الاقيها فين؟ … رد: إعقل ، موضوعكوا خلص
لفتره إكتئب بس لإنه مؤمن غلب
الإكتئاب بفكرة لو كانت ليا كنت اتجوزتها
و بدأ من جديد بطاقة اول مره إشتغل
و استوعب بالتدريج ان النجاح وليد الفشل
من شغله بره كان اتعلم طُرق إدارة مكن
استخدامه هنا يضاعف الانتاج و يغطي التمن
عرض علي اصحاب المصنع اللي اشتغل فيه فكرته
عجبتهم ، نفذوها و عينوه مساعدهم
و أخيرا الحظ ابتسمله في طريق اترسمله
علشان رضي بنصيبه و كان مخلص لله في عمله
حقق أكتر من اللي حلم بيه ، بيت و زوجه وولد
من غير ما يبقي في بلد و كل حاجه عارفها في بلد
[اللازمة]
الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا
الحياه ممكن تتعبك .. والمجهول يبدأ يرعبك
بس اللي لا يمكن يحصل تتجه لله ويخذلك
اليأس نهايه .. كل شئ موجود لغايه
الشمس بتطلع كل يوم تقولك إبدأ تاني معايا
[الخاتمة]
ولا الدنيا سهله ، ولا النجاح واقف يندهلك
العمر بيجرى فـ مينفعش تعيشه على مهلك
مادام أخلصت إرضى بأى حاجه جاتلك
ثق فى ربك ، هو أدرى بالأفيدلك
محدش قال الدنيا سهله ، ولا النجاح واقف يندهلك
العمر بيجرى فـ مينفعش تعيشه على مهلك
مادام أخلصت إرضى بأى حاجه جاتلك
ثق فى ربك ، هو أدرى بالأفيدلك
letras aleatórias
- letra de jay2weak - t. rose
- letra de riva - alma esse
- letra de dreams - x_andy_x
- letra de building fires - bill anderson & mary lou turner
- letra de facing the shores of hades - nil miserans
- letra de lucky - deloris
- letra de what will i do - joel g
- letra de who mad again - jahyanai
- letra de kolorowa woda - elektryczne gitary
- letra de queen for tonight - asia o'hara