letra de pulènta e galèna frègia - davide van de sfroos
pulènta e galèna frègia
e un fantasma in söe la veranda
barbèra c-me’ petròli
e anca la löena me paar che sbanda…
cadrèga che fa frecàss
e buca vèrta che diis nagòtt
dumà la radio sgraffigna l’aria
e i pensee fànn un gran casòtt….
l’è menga vèra che nel silenzio
dorma dumà la malincunìa
l’è menga vèra che un tuscanèll
l’è menga bòn de fa una puesìa
in questa stanza senza urelògg
bàla la fata, bàla la stria
in questu siit senza la lüüs
che diis tücoos l’è duma’ l’umbrìa….
e scùlta el veent che pìca la pòrta
cun in cràpa una nìgula e in bràsc una sporta
el diis che g’ha deent un bel regàal
me sa che l’è el sòlito tempuraal….
e scùlta i spiriti e scùlta i fulètt
ranpèghen söel müür e sòlten föe di c-ssètt
g’hann söe i vestii de quand sèri penènn
i ne vànn e i ne vègnen cun’t el büceer del vènn…
e la candela la sta mai ferma
e la se möev c-mè la memoria
anca el ràgn söe la balaüstra
ricàma el quadru de la sua storia
la ragnatela di mè pensèe
la ciàpa tütt quèll che rüva scià
ma tanti voolt la g’ha troppi böcc
e l’è tüta de rammendà….
la finestra la sbàtt i al
ma la sà che po’ mea na’ via
e i stèll g’hann la facia lüstra
c-mè i öcc de la nustalgìa
in questa stanza senza nissöen
vàrdi luntàn e se vedi in facia
in questa stanza de un òltru teemp
i mè fantasmi i làssen la traccia
e scùlta el veent che pìca la pòrta
cun in cràpa una nìgula e in bràsc una sporta
el diis che g’ha deent un bel regàal
me sa che l’è el sòlito tempuraal….
e scùlta i spiriti e scùlta i fulètt
ranpèghen söel müür e sòlten föe di c-ssètt
g’hann söe i vestii de quand sèri penènn
i ne vànn e i ne vègnen cun’t el büceer del vènn…
letras aleatórias
- letra de painkiller - sapphire (uk singer)
- letra de buenos aires - new saint
- letra de 2 dirty sticks - unotheactivist
- letra de keep dreaming, it wont get any better than this - chetreo
- letra de the golden ratio - tigercub
- letra de best man - rusur
- letra de ne me libérez pas - l (raphaële lannadère)
- letra de bop & lean - dn (rapper)
- letra de degenerate - the network
- letra de miné - jul