letra de la balàda del genesio - davide van de sfroos
se ciàmi genesio o ho faa propi tütt
puèta, spazzèn, astronauta e magütt
ho pirla per el muund fino all’ultimo chilometro
innàanz e indree c-mè el mercurio nel termometro…
sun naa in söe la löena dumà cun’t i öcc
ho sparaa centra el teemp e ho desfàa i urelòcc
ho pregà mìla voolt senza nà giò in genöcc
ho giraa cun’t el smoking e a pee biùtt piee de piöcc…
m’è tucaa imparà che la röeda la gira
che ogni tant se stravacca el büceer de la bìra
tra furtöena e scarogna gh’è una corda che tira
quaand che el diàvul el pìca el ciàpa la mira…
sun staa l’incüdin e quai volta el martèll
ho dato retta al cuore e quai volta a l’üsèll
nel böcc de la chitàra ho scondüü questa vita
sia i pàgin in rùss che quii scrivüü a mat-ta…
el curtèll in una man e nell’oltra un màzz de fiuu
perché l’amuur e la moort i henn sempre lè scundüü
ogni dè nàvi via cun un basèn o una pesciàda
cul destèn de dree di spàll per mulàmm ‘na bastonàda
e de ogni mia dona se regòrdi el surìis
anca se cun nissöena sun rüvaa ai benììs
tanti donn che in sacòcia gh’eren scià el paradisi
insèma al rusètt hann l-ssa i cicatriis…
scapàvi e inseguivi senza mai ciapà fiaa
curiàndul nel veent…fiuu senza praa
una trottùla mata sempre in gir senza sosta
un boomerang ciùcch senza mai una risposta…
zìngher e sciuur sempre söel mè binari
suta un’alba e un tramuunt püssèe rùss del campàri
ma i ricordi i hènn smagg e me spècia el dumànn
el me spècia incazzàa cun scià i buumb a màn…
sigarètt senza nomm e büceer senza storia
hann faa i ghirigori nella mia strana memoria
tatüagg invisìbil che me càgnen de nòcc
e una vita tiràda c-mè un nastru de scotch…
la mia ciciaràda làssa el teemp che la tröeva
vardi el cieel de nuvembra cun la sua löena nöeva
sun el genesio e questu l’è tütt…
cun qualsiasi vestii, suta…sun biùtt…
letras aleatórias
- letra de lasă-mă să fiu așa - anna lesko
- letra de god bless the child - eartha kitt
- letra de béton - mon doux saigneur
- letra de don't let the sun go down on me (live) - george michael & elton john
- letra de amargurado - felipe e falcão
- letra de jumps the fence - brighton port authority
- letra de habits - justus oldsport
- letra de up in mississippi tonight - tom petty and the heartbreakers
- letra de i'm still in love with you - green, al
- letra de swim - blocboy jb