letra de usset hub (a love story) - dam
جيل المراهقه الهورمونات بنولدوا بالمنطق
كله بجذبني فيكي, حتى صمتك
سكوتك اللي هو سكوت بحكيني كتير
شايفاني عادي بس ما تدري شو جواتي يصير
(ايش يصير؟) لما اكون لحالي, اتخيلك قدامي
وانا أصرخ ليكي انك انت شاغلي بالي
نوصل وقت الجد ونظره منك تربط لساني اللي
يقلك “انتي, انتي, اه ه ه ه ه ”
(ايش مالك!) هاهاها ياللي متسبخاني
بس وين ياورده كبرنا ياورده صرنا
نفلت اللسان اللي ما يفلتك الا لما تصيري النا
(واليوم انا الك؟!) اليوم بس فهمت
انت مش الي, الا اذا انا الك
بنفعش قلبك ملكي وقلبي يكون ملك
كل من رادت, كل من عيني عليها زاغت
اذا بدي نضل 2 لازم نضلنا بس 1+1
(مقطع تمثيل)
بعد جيل المراهقه المجتمع ببدا يخنق بالمنطق
كلّه بخوفني فيكي بالأخص صمتك
علاقتنا بتنقرض, وكل مانزود كلامنا
مع بعض, بنزود كلام العرب
مش فاهم, كيف عندهم قلب يحرموا قلب؟!
كل اللي حس بالعواطف وكل الحب بنطحن
وبصير أسهل للناس انها توكله, الناس تشبع
من هين, والحبيب خوفه يشبع شوقه
وشوقي كبير وخوفي يكبر كل ما نتلاقى
ومن قلة ما نتلاقى صرت أغار من المراسيل اللي
أرسلك أياها عشانها توصل أقرب مني لألك
وصلت مرحله اللي فيها تعبت, علاقتنا
رسالات. تلفونات, عالتلفون يدوب اسمعك من
همسك (بحبك) ومن صرخاتها لأمك (مع مين
بتحكي بالساعه هاي؟!!) بتحكي مع حبيبها
أه ه ه ه لسا بجيل المراهقه كانلي اسهل أحكيها
(مقطع تمثيل)
وصلنا جيل ما يعرفش منطق, أسئله مصيريه
تؤدي لصمتي اللي يكسر صمتك, كل يوم نفس
الموال, قتال, ما خطرت البال
انه هاي اللي شغلت البال كسرت البال
ولما اقلك أياها تعيطي “كيف تحكي هيك بحبك؟!”
أخ خ خ قد ما تبعد الكلمه هاي بتشدك
وانا أحبك كمان الحب أحلى رمز
هلأ تطلعي لقدام, الرمز بطعمي خبز؟!
مانا بلا شهادة بلا صنعه, حياتي
النزله الوحيدة اللي لليوم ما قابلت ولا طلعه
وأنا صامد, مستنّي اللي مستنيني
ان كان منيح يحميني ولاّ عاطل يأذيني
وقلبي يريدك لدرجة انه مايريد يتخلى عنك
وقلبي يريدك لدرجة انه ما يريد يشدك
لمسار مليان مصاعب, وحياتك عارف وحاسس
سؤالك بس وحياتك مش عارف أجاوب
(مقطع تمثيل)
letras aleatórias
- letra de da nile river - phily skeamz
- letra de school of hard knocks (2021 remaster) - p.o.d.
- letra de не торкає (doesn't touch anymore) - паліндром (palindrom)
- letra de too far - dulcit
- letra de grind season - spaceghostpurrp
- letra de what happened with me - dimaonobeat
- letra de something wrong - max boonch
- letra de no fear - v v brown
- letra de нхбб (dwbb) - kill4eal, ydb
- letra de i don’t sleep as good as i used to - gayle