letra de solta vs ch3ayba - ch3ayba (sofyanbigboss)
قالو لي بلي عندك ماتقول ، أنا جيتك حيتاش
بغيت منك نفهم علاش الشباب صوتو كاعي
فموسيقتكم كتقولو جيلكم واعي و فكتابتكم
و من جهة كنلاحظو الاستهتار ففعايلكم بلا داعي
العنف و الشطارة، كتضادو مع المصالح
لبنينا طوبة فصالح لبلاد كتقولو شفارا
واش باش تبانو ولا غير دصارة
واش الغلط ففهامتكم ولا حقد عالادارة
كلامكم غيواني فيه الحقد الطبقي
كنتو غي مهمشين و رجعناكم شعب راقي
دابا كيعطيناكوم حرية التعبير بالفم
كلشي ولا نسخة مغربية على
كتقولو وحنا مادرنا والو
رانتوما اللي شعب متناقض حرامو مع حلالو
باغين توصلو بالزربة وبلا مجهود
و سروالو طايح تابع
لا بغيتي نجاوبك صافي سكت و سمع
حيتاش سنين ونتوما كاتصبعو و الشعب كايركع
الحكرة و القمع و فوق الصباع الدق مهماز
واللي هضر بقوافي الحق كايتضرب بيد المهراز
كاتحكمو علينا من اللباس وكاتقولو شمكارة
وبلا بينا حنا عمركم كنتو توليو وزارة
كاتقولو ناقصين خبرة شعب كلخ
ولاكان مخنا مخ فريخ راعقلنا ديال طير الرخ
جوابكم فعيوبنا باش من لحساب تهربو
وسبابنا سوء استعمالكم لقوانين الغرس
لا حنا بقينا فهاد لبلاد را بزاف منا تغربو
وكولي واش كاين شي فار كايهرب من دار العرس
الرشؤة و الدعارة و لكريساج و الحبس
ماشي اختيار الشطارة للناس للي مفرشة الدص
حيت الفقر صعيب وقبلا الديماري المرسديس
تخايل راسك اب بطالي سالت فالطوبيس
اوكي أسي المخيخ ، أشمن حق كتقصد
لكانت علقراية بنينا المدارس طول و عرض
جبنالكم مراجع و دراسات من بقاع الأرض
وعالبيئة كنحافظو و كنزرعو النخل و الورد
لكانت عالحرية راحنا جبنا الاستقلال
لكانت عالتطبيب راحنا حاربنا الاسهال
وفالاتصال استوردنا تكنولوجيا البورطابل
وبالانترنت قربنا المسافات بين الدول
لكانت عالسكنة نتا حر شري و لا كري
كلا وجيبو لي عندو و اللي على قد الحال
لكانت عالخدمة غي قلب و فيق بكري
ماشي عايب تخدم عساس على قبل درهم لحلال
لكانت عالنقل كاين الطاكسي والطوبيس
والمشي أحسن رياضة و أحسن رجيم
لكانت عالعقيدة كاين الجامع و كاين
كنحترمو الديانات حيت هدا هو المسلم
جدودنا جابو الاستقلال و نتوما إستعمرتونا
اللي شد شي كرسي خيم فيه، فالحكومة
اللي ركب الجمال تخطى الجبال باش يشد دبلوم
ملقاش خدمة و قدام البرلمان فدمو يعوم
ولكاع خدم كايشد شبه سميكار
بيه كول ركب شرب تزوج و شري الدار
لسما وصلت لمتر كاري اليوم
باش تملك مترو ، صبر بالجوع و صوم
فالسبيطارات الخلق دايرة الصف تنزف
حتا اللي مغيب فيق قبلا تسعف جبد الصرف
الإسعاف كتوقف مافيهاش ليصانص
مفيهاش غير دايرة
الرقابة عالإعلام كتسمح تهضر عالسيكس
حتا فالأفلام كتخليو لعرا وتمحيو التكست
ورا صلاة لعشا الجوامع ابوابها كتسد
ولبيانو بار كيبقاو 7/7
كتشوفو المشاكل، كتنساو الانجاز
وبللي بلادنا اليوم أحسن من العام ألي داز
الصيد و الفلاحة، السلم و السياحة
الاقتصاد هو اللي غيحمي المواطن ماشي لقباحة
الفقر و الغنى، ارزاق و قضية نسبية
كيما لحلال و لحرام كتفصل بيناتهم النية
الفوارق الطبقية، ضريبة التقدم
ماغنوقفوش لبلاد حيت واحد معرفش يخدم
علم الاجتماع الناس كيقراوه ماشي تساطيح
واش كظن بللي الاقتصاد أغلى من الأرواح اللي كتطيح
لا مات الشعب استوردو اللي يصيد و اللي يحصد
حيت النص مرض بلغلا و النص كيحتضر بالبرد
ولا كان حل التقدم تفقرونا باش تغناو
غي بدلونا ولا بيعونا بالجملة و تهناو
حناااااااااااا اخترناكم سلطة باش نكبرو و نعلاو
كبرتو كروشكم خليتو البوفري
letras aleatórias
- letra de carruth - boldy james & the alchemist
- letra de no lo entiendo - lage
- letra de randnotiz - lp (ger)
- letra de butt out - savoy (rock)
- letra de true love - lagioia
- letra de pickem up - young thotty
- letra de made of air - esgazette
- letra de slap me five - illa shaz
- letra de rock triste - talharim
- letra de mare - adone_alchemia