letra de matloob zaeem - cairokee
[كلمات مطلوب زعيم – كايروكي]
[المقطع الأول]
مطلوب زعيم
لشعب طول عمره عظيم
لشعب كان فاعل زمان لكنه هان
حتى إنه صار
بإيدين كبار وإيدين صغار
مفعول بيه بيقسموه ويفرقوه
ويقطعوا في عين اللي جابه واللي جاب أبوه
عشان يموت أو ينتهي
[المقطع الثاني]
مطلوب زعيم
لشعب حكامه خانوه
وتوهوه وغيبوه
واللي إنتبه منه وفاق
غموا له عينه كمموه
وسلموه في المعتقل لكلاب جعانة يقطعوه
لكنه رغم القهر قام زأر وزام
وفي أسبوعين زلزل حصون الجلادين
هد النظام فوق راس جميع المفسدين
[المقطع الثالث]
مطلوب زعيم
يحمي الحقوق
يعدل ما بين الناس تمام زي الفاروق
ويكون حنين على الفقير
وعلى اللي فاسد يفتري
يهدم على دماغه الشقوق
ويعلقه في المشنقة أو يرفعه
على راس خازوق
[المقطع الرابع]
مطلوب زعيم
ما يقولش على الخواف حكيم
ويكون كمان سمعه سليم، يسمع لنبضة قلبنا
ويكون مكانه في وسطنا
ما يعيش أبداً في القصور
والبعض مننا للأسف ساكنين قبور
يشرب وياكل أكلنا
ويعيش كواحد مننا
يسمعلنا ويشور وياخد رأينا
وقت الخطر نتلم حواليه كلنا
ونضحي وياه بعمرنا
[المقطع الخامس]
مطلوب زعيم
على المسئولية يكون أمين
ويكون جريء و يكون شجاع
مش إمعة وحتة بتاع
يعرف يقول للظلم لأ
ويموت ولا يفرط في حق
[المقطع السادس]
مطلوب زعيم
نقدر نحاسبه بالقانون
أو نعزله لو للأمانة يوم يخون
لا يشترط الشكل إيه
لا يشترط السن إيه
لا يشترط الملة إيه
شرطه الوحيد يكون بشر
بالإختصار، مطلوب دكر
letras aleatórias
- letra de autoestima - drenaz
- letra de a thousand miles - spadez
- letra de end up like that - revelries & sam smyers
- letra de opg - supa skkinny
- letra de glory to god - jehkai
- letra de bend in the road - jeremy spencer
- letra de if i was in hawaii... - shy kids
- letra de foreign - yung reece
- letra de zehn jahr' und mehr - demis roussos
- letra de i'm through - my brother's keeper