letra de dinosaur | ديناصور - cairokee
[المقطع الأول]
حاسس بتوتر و الأمن مش مستتب
قلبي بيدق بسرعه دب دب
يا ترى دخلت في باد تريب ولا البلد دي قلبت سيرك
سقف الإنبهار فيها فرتك الترنج
في كل خطوه بتموت حته في قلبي
و الناس في الشارع شبه الزومبي
و العالم حوالينا بيجري و إحنا لسه علينا بدري
عايشين و بنقاوح في العصر الحجري
[اللازمة]
أنا مش هستغرب لو شوفت الديناصور
أو بطريق ع الناصية و بيسكور
أنا مش هستغرب لو شوفت الديناصور
أو بطريق ع الناصية و بيسكور
[المقطع الثاني]
جريت م الديناصور و روحت لأبو الهول
خبطت عليه و صحيته من سبعتلاف سنه نوم
حكيت له عن حالنا و أحوالنا و اللي وصلنا له في زماننا
و عن قد أيه إحنا أتبهدلنا و أتهانا
من أثر الصدمة أبو الهول
جت له جلطه و ضغط و كوليسترول
و شلل رعاش، من الأوباش، اللي خلوها متسواش
قلت له أمسك نفسك أرجوك متسيبناش
آخر كلمه قالها لي بحسره و تحفظ شديد
أجري ياض من هنا روح ألعب بعيد
ده أنا لولا دماغي اللي ساحت
و مناخيري اللي راحت
كنت سمعتك صوت جديد
[اللازمة]
أنا مش هستغرب لو شوفت الديناصور
أو بطريق ع الناصية و بيسكور
أنا مش هستغرب لو شوفت الديناصور
أو بطريق ع الناصية و بيسكور
[جسر]
بقلب في القنوات علشان أقتل الوقت و الملل
نفس النفاق، نفس الفساد، نفس الغباء و الهبل
على قفانا بياكلو عيش واللي يطبل يعيش
الأقرع بيقول نفس كلام أبو شعر كنيش
بيجيبو اللي فيهم فينا بعدما باعوا أراضينا
ال ايه بيقولوا علينا شباب معندوش إنتماء
والمذيع بيقول ماء هو نفس الإستكش بيتعاد
والكفته يا ناس بقت علاج
و تحيا مصر تلات مرات
[اللازمة]
أنا مش هستغرب لو شوفت الديناصور
أو بطريق ع الناصية و بيسكور
أنا مش هستغرب لو شوفت الديناصور
أو بطريق ع الناصية و بيسكور …
letras aleatórias
- letra de deep end - janine weigel
- letra de tomo y obligo - carlos gardel
- letra de farsa - projekt nasłuch
- letra de down n out - jason saul
- letra de demoniska audru naktis - dissimulation
- letra de blues in the closet - red garland
- letra de cuando los pies besan el piso - calle 13
- letra de frozen - ashtin larold
- letra de dun all the hype - guvna b
- letra de luz de mi vida - patricia sosa