a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de war cup 2014 - كأس الحرب - brut-son

[المقطع الأول]
آ فلسطين نقلك لدوركا ما نسيتيناش
لدوركا تحوسي علينانجوك ما فهمتش لدوركا علاش
القضية تاعك قلناهالك راهي ما تعنيناش
ما تفهميش ولا واش؟ occupés / busy رانا
موتوا وحدكم ازّح يخّي والفتو من بكري
تحوسوني نريياجي ؟ داكور ندير عليكم ستاتو
آكم والفتو أدعوا ربي إنشا الله تفوت في ساع
واش بيك مريضة نلتى بيك نتي؟ نايمار آو تبليسا
شكون راو يبكي هذا ؟ نقصي صوتك يا فلسطين
ما راكيش تشوفيني نتفرج في لالمان مع لارجنتين؟
مارد والله طاحلي المورال
آو مش عليك حاليلوزيتش خلّى ليكيب ناسيونال
على جال كورة تاع جلد خرجنا الكل نديفيليو
نهار لهبولك الجلد قعدنا حنا نكونيكتيو
ما فهمتش لدورك واش حبيت نوصلكم
بطريقة ولاّ بأخرى رانا قاعدين نقولولكم :

[اللازمة]
les bombes و les balles موتوا وحدكم بـ
innocents و دم يسيل و دراراي صغار les missiles بـ
ca fait longtemps فلسطين ماناش لاتيين قلناها
la coupe du monde فبالنا ميسي و البرازيل خلينا في

[المقطع الثاني]
ياه موتوا وحدكم آو عندنا إنشغالات
واش دخلنا شكون قصف ، شكون تيرا و شكون مات؟
: ديري في بالك فلسطين مليح الحاجة هاذيا
مخ العربي ماهوش واعي باه يحس بيك كا قضية
وليتي روتين شغل حاجة ديما تصرا
حاجة طبيعية حاجة كي لحوايج لُخْرى
كيما الصحرا بطبيعتها فيها الرمال تكون سخونة
و فلسطين بطبيعتها فيها رصاص و فيها الموتى
عادي ، راني قتلك وليتي عادي خلاص
فلسطيـــن راو بْرَد القلب راو فرغ الراس
حنا والفنا بصح نتي ما عرف كان والفتي
عيط للشيخ فوق المنبر بالجهاد درك يفتي
راو لاتي بمشكل كبير occupé حتّى هو
راو لاتي بمشكل كبير occupé حتّى هو
لقاو امرة في السعودية تسوق و تحتها بيرمي
كل واحد آو لاتي بمشاكلو لي كاينة
دونك بالنسبة ليك آ فلسطين حكايتك آي باينة

[اللازمة]

[المقطع الثالث]
سامحونا والله قصّرنا معاكم بزّاف
قلبي معاكم حزين و عليكم يخاف
مانيش فخور نكون من الأمة هاذي a part l’islam
لي ساكتة على خاوتها لي كل يوم تُقتَل عادي
فلسطين مشها راح تتحرّر بغناية en tout cas
نتحرّر من الكبت لي راني حاسّو هنايا mais au moins
تاع لغناية هاذي جوست كي تحبسها يروح l’effet
…en mode الماتش آو قريب هيا نرجعو

[اللازمة]

- brut son

letras aleatórias

MAIS ACESSADOS