a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de manech kifhoum | ماناش كيفهم - balti - بلطي

Loading...

موصطاف بلطي
بلطي موصصاف
مانش كيفهم
ماهمش كيفنا

[المقطع الأول]
[مصطفى]
ماناش كيفهم في العيشة هوما يتولدو في القطن
نحنا تولدنا في الحومة و بين الفرازات ديما تزن
هوما يولدو مالصغرة العيشة مل مان عيشة مفرهدة
يمشي يقرا و يروح مماتو تجيه بالكرهبة

[بلطي]
ما همشي كيفنا في القلوب عايشين الدنيا للدنيا
خوذها من يد الزوالي و ما تاخوهاشي مل غنيا
ما همشي كيفنا فالكروش أحنا خبزة تعيشنا
أحنا طالبين السترة و رضاية ربّي و والدينا

[مصطفى]
ماناشي كيفهم فالمونتاليتي و في القلب ياسر يحسبوا
قد ما ربي عاطيهم عمرك ما تشوفهم يحمدوا
تشوف وجوههم بيضة تقول هذوما ملايكة عل أرض
كي يعرضهم طالب لا يأديو لا سنة لا فرض

[بلطي]
ما همشي كيفنا في نومنا كي ترقد تبات متهني
حتى على جَرَّايَة تبات و تحط الراديو يغني
لا مخلّي وراك حسابات لا وراك فلوس و شيكات
لا وراك لا
بنية و لا مرا ما تعرفشي وين ماشية تبات

[اللازمة]
ماهم كيفنا مانا كيفهم حتى كيفنا مش كي كيفهم
أحنا خريفهم هو صيفهم و أحنا صيفنا هو خريفهم
حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

[المقطع الثاني]
[مصطفى]
نحنا بناتنا في خمار الخمسة متاع الصباح في الكار
هوما بناتهم يباتو يدوروا بَلْعَة من بار لبار
هوما ديارهم شاتووات ، أكبر من الكارفور
نحنا باب الدار يتحل بالكليمونات في حيّ الزهور

[بلطي]
ماهمشي كيفنا في الفرحة زغاريت و البخور عجعاج
ماهمشي كيفنا في الفرحة يبعث ميساج
ماهمشي كيفنا في الإحساس يعيشوا بالآس.آم.آس
حتى في ولدو شاكك ولدو ولاّ ولد الناس

[مصطفى]
نحنا نشيخو بالأرطال و اللعبة معاها بنتا-كول
هوما يشيخوا بالغبرة و البيضة و أغنى أنواع الكول
هوما يسافرو وقت ما يحبّوا لونو أحمر الباسبور
نحنا نطيحو وقت ما نحبّوا فمّا الحاكم و المزطول

[بلطي]
ماهمشي كيفنا كي نتلمّو الضّحكة تخرج مل قلب
هو وحدو في شاتو جريدة و بجنبو كلب
مرتو مسافرة في بوينغ في دبي عملت شوبينغ
هو معنّق مخدّة و هي معنقة صاحبها في سترينج

[اللازمة]
ماهم كيفنا مانا كيفهم حتى كيفنا مش كي كيفهم
أحنا خريفهم هو صيفهم و أحنا صيفنا هو خريفهم
حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

[المقطع الثالث]
[مصطفى]
نحنا نتلمّو العيلة الكل عنّا فرح ولاّ موت
هوما رجالهم في سويسرا و نساهم في بيروت
نحنا الضحكة في القهوة طرح الرامي يوفى بكبوت
هوما توفى بهم في البلوك كان خذاو كبّوت

[بلطي]
ماهمشي كيفنا في الحب أحنا إذا حبّينا بكينا
أحنا رجال تقدّر المرا نحطّوها في عينينا
حتّى في تركينة نباتو و وردة تفرّح العشيرة
مرتو تفرح بالباناميرة بالوفيز و التأشيرة

[مصطفى]
والدينا يهزّونا مل صغرى للمدب و الكتّاب
هوما والديهم رباوهم عل حقرة و أنواع الفساد
تربّاو يجيبو الفلوس و يحلّو بازارات
فطور الصباح ياكلوا ملاين العشاء مليارات

[بلطي]
ماهمشي كيفنا في المرض أمّ تبوسك من جبينك
تعطيك دواك و تغطّيك و تزيد تذكرك في دينك
أمّك بجنبك في فرشك أمّو في دار المسنين
في مرضو خدّامة بجنبو يتشهّى في صدر حنين

[اللازمة]
ماهم كيفنا مانا كيفهم حتى كيفنا مش كي كيفهم
أحنا خريفهم هو صيفهم و أحنا صيفنا هو خريفهم
حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

[المقطع الرابع ]
[مصطفى]
يعيشو عادي جدّا لا إحساس و لا شعور
كيف تراهم ما تفرقشي بين الأناثى و الذّكور
هوما يلبسو في الديامنت و نحنا ننطرو بالموتور
هوما على البحر و نحنا سيدي حسين و حيّ الزهور

[بلطي]
ماهمشي كيفنا فرنسيس أحنا ياسر عروبي
ناكل ملاوي و نريسكي إذا ما لقيتش ركوبي
نبزنس بنت الجار في الكار تضحكلي من غير ماسك
هو يبزنس بالكلاس آس أمّا باسل و ماسط

[مصطفى]
نعيشو بلا مناسبة الّي طيّب يوكل جارو
هوما بينهم مسكرة كل فول في نوّارو
يعيشو بالإيميل و كل واحد شادد مليارو
ساعات يتوفّى واحد منهم حدّ ما يجيب أخبارو

[بلطي]
ماهمشي كيفنا في الصّحبة تبدل المرا بمفاتح
صاحبو مع مرتو هو مع مرت صاحبو يتناكح
الفلوس ذهبت الشيرة كول الحلّوف و أنسى الغيرة
مرت صاحبي في قدر أختي و مرتي في قدر أميرة

[اللازمة]
ماهم كيفنا مانا كيفهم حتى كيفنا مش كي كيفهم
أحنا خريفهم هو صيفهم و أحنا صيفنا هو خريفهم
حتى حديثنا مش كي حديثهم
حتى ضيفنا مش كي ضيفهم
حتى مريضنا مش كي مريضهم
ماهم كيفنا مانا كيفهم

- balti بلطي

letras aleatórias

MAIS ACESSADOS

Loading...