letra de dássededdui - ailu valle
dássededdui
1. verse
go olles máilmmi noađđi mu hárduid alde
nu máŋggat áššit maid oainnát dan várddus baldet
iige dat lea min hálddus dat dáhpáhuvvet mat galget
ja maid dat mat eai galggaše, ja nu dat liikká čađa čalget
vaikko mo ganjaldan, háviidan sávan savvot
dat bohtet ain rahpasit ođđasit jus daid rájan jávvot
go heaittán ohcamis, ja go heaittán čiehkamis
áigái rahpasan, jávket viisárat diimmuin, luoittán viehkamis
vuoiŋŋan ja vuoiŋŋastan, vuoiŋŋaid divttán dálkkodit
eaige birot dádjat šat bálgán ala gaikkodit ja bálkkodit
eai siskko eaige olggobealde, jávkkái rádji
goruda, miela ja máilmmi gaskka, ilmmai gáhkkor niehkui guržo ádjit
girddii meattá, buvttii buhtisteaddji arvvi mielddis
seaivvui ráhkisvuohta soajáin ja nástealbmi sealggis
eallima dolla čalmmiid mieđuštii
julggiin eatnama ravkkas, buokčalii čáhcegierraga speadjala vuollai dieđušt-t
chorus
gurput mielde ovddežiid, ja boahttevuohta lea seavdnjat
gilvvu rievdadeamen máilmmi, muhto ieža eat gárvá rievdat
mun lean dál, don leat dál, mii leat buohkat dušše dál
vásáhusa, vásiheaddji, vásiheami ráját duššet ná
njuoratmánnán máhccat, feminiidna mánnočuovgan
njuoratmánnán máhccat, maskuliidna beaivečuovgan
dássededdui dássededdui
2. verse
gáhkkor gáhkkorastá, orru dego moraštivčče
muh muitalage mo modjosemiin jurddašeami ođastivčče
jus bastá dovdát ja dovddast-t, hirpmumusage dohkkehit
addit ándag-ssii láhppon sieluide de biekka lohkkešii
ii leat sivva iige sivalaš, dušši iežas vašuhit
višuin ja dárkilvuođain iešguđet beliid basuhit
dássedeaddu rašši ja hearki, váimmuin jođit ja vásit
ávvut dán leahkima skeaŋkka juohke olis ja dásis
don leat dál dán gorudis, eatnamis máttut
máddarat juolgevuođuin, oktavuohtan šattus
čippiin áhkut ja ádját, birgen vai don ealášit
alimiin vánhemat, udnomin ahte čuovvovaš oasi čálášit
buoret lági mielde, itge šat seamma rájálaš áddejumiin
gieibman- ja ceavzinčádjádusaide vuođđuduvvi ráđđejumiin
min miella ja gorut ollet issoras olu guhkkelii
čoavdagat lohkaide gávdnojit min siste go viimmat dohko buvttehit
chorus
gurput mielde ovddežiid, ja boahttevuohta lea seavdnjat
gilvvu rievdadeamen máilmmi, muhto ieža eat gárvá rievdat
mun lean dál, don leat dál, mii leat buohkat dušše dál
vásáhusa, vásiheaddji, vásiheami ráját duššet ná
njuoratmánnán máhccat, feminiidna mánnočuovgan
njuoratmánnán máhccat, maskuliidna beaivečuovgan
dássededdui dássededdui
3. verse
mii leat dieđu muorat, čielgedákti maddan
máddagii eatnamis oktavuođain, ceavzit ađđama rájes šaddan
dovdduid rávnnjis sugadit, dikt-t daid mannat ja boaht-t
suolbmudit muttágin, arvva dolain bissu liekkasin goahti
ráhkisvuohta juohke sajis, dat áibmu man leat vuoigŋamin
máilbmi lea giella, čoddagis gulahallat čuovggain ja suoivaniin
balut ja hálut jaska go gamu fámuin gohcit ja niegadit
oaivečohkas rahpasit duhát lastta, fas buotvuohta riegádii
chorus
diđolašvuohta lihkká, ja diđolašvuohta nohkká
dán bottus ii leat mihkkige mii álgá, ii mihkkige mii nohká
mun lean dál, don leat dál, mii leat buohkat dušše dál
vásáhusa, vásiheaddji, vásiheami ráját duššet ná
njuoratmánnán máhccat, maskuliidna mánnočuovgan
njuoratmánnán máhccat, feminiidna beaivečuovgan
letras aleatórias
- letra de underdogs - mr. pimp-lotion
- letra de yırtık kefen bezi - allâme
- letra de heartbreak city - loverswasteland
- letra de quieres enamorarme - noriel
- letra de foreign object - otis mensah
- letra de madness - ruelle
- letra de the setup part 1 - keelow
- letra de lit - happy sometimes
- letra de wander - hybreed society
- letra de bugged out - mykki blanco