a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de gowak batal - جواك بطل - ahmed mekky - أحمد مكي

[المقدمة]
قالوا الأحلام زي الأمواج
بتتكسر على صخور الواقع
بس في ناس عرفت تكسر صخور الواقع بحلمها
وفي ناس إتنازلت عن أحلامها
الأحلام ما بتموتش، إنما ممكن تتنسي

[المقطع الأول]
عاوز تحقق حلمك؟ ينفع لكن بشرط
لازم تفارق منطقة الراحة وتعدي الخط
‫الـ comfort zone أمان مزيف، فارقه وفوق من الخلط
مش ممكن تعبر المحيط من غير فراق الشط
إنشف وإمنع خوفك ياخد عنك قرار
وطنش إحباط الناس اللي بتتمنالك الإنهيار
هما إختاروا يشوفوا الماتش، إنت قررت تلعب
هما إختاروا العادي السهل، إنت قررت تتعب
أغلبهم عنده القدرة بس العبرة بالإختيار
عشان كده تلقى الأبطال في الدنيا دايماً مش كتار
لو حد حاول يقنعك تنزل بسقف حلمك
عشان يكون مألوف وواقعي، إرفض لإنك
إنت اللي شفت حلمك، إنت البطل في فيلمك
إرمي تكالك ع الخالق وإخلص تلقاه يدلك
كتير حاجات إتوصفت بكلمة مستحيل
لحد ظهور إنسان نفذ، ضرب مثل لكل جيل (حصل)
إحلم حلم يكون شمس تنور حياتك
كل المخاوف والحدود أوهام مصدرها ذاتك
وإفتكر دايماً إن حدودك الوحيدة هي إنت
[اللازمة]
الواقع كسّر حلمك؟ الروح ما بتتكسرش
خد من الكسر درس وإرجع تاني أقوى وما تسلمش
مافيش أحلام بتموت، الحلم ممكن يتنسي
ثق في نفسك وفي ربك، كمل مهما الواقع قسي
الواقع كسّر حلمك؟ الروح ما بتتكسرش
خد من الكسر درس وإرجع تاني أقوى وما تسلمش
مافيش أحلام بتموت، الحلم ممكن يتنسي
ثق في نفسك وفي ربك، كمل مهما الواقع قسي

[المقطع الثاني]
إسمع، إستحالة تلقى الراحة والسلام في الأول
وظروف مش عادلة والاكتئاب يبدأ جواك يغول
وأوقات هتدوق خسارة واليقين يبدأ يتحول
هتتفاجئ كتير في الرحلة بجد ومش بهول
إثبت، جمع نفسك، ركز وما تسلمش
‫وإفتكر تعريف الناجح “إنسان حالم ما إستسلمش”
أحلام من غير مجهود مالهاش تسمية غير أماني
عشان تحقق حلمك تزرع مية فدان تفاني
خدت القرار هكمل وألغي أي حل تاني
نسفت فكرة الرجوع نهائي من كياني
إنسى الماضي، تحت إيدك كنز إسمه النهاردة
خدلك كل يوم في سكة تحقيق حلمك حتى خطوة
مش سهل تحقق حلم بس الأصعب إنك تنساه
لو إستسلمت وإتنازلت ضاع منك معنى الحياة
سر تحقيق الأحلام الإلتزام والإستمرار
وإنك تخلص من قلبك مهما كانت الظروف مرار
الوقت اللي منافسينك فيه نايمين قوم إنت إشتغل
فضلوا السرير وإنت فضلت تقوم وتصنع بطل
ربك عادل، عليه إتوكل هتشوف المعجزات
بالإيمان وبالممارسة تتحكم في زمام الذات
[اللازمة]
الواقع كسّر حلمك؟ الروح ما بتتكسرش
خد من الكسر درس وإرجع تاني أقوى وما تسلمش
مافيش أحلام بتموت، الحلم ممكن يتنسي
ثق في نفسك وفي ربك، كمل مهما الواقع قسي
الواقع كسّر حلمك؟ الروح ما بتتكسرش
خد من الكسر درس وإرجع تاني أقوى وما تسلمش
مافيش أحلام بتموت، الحلم ممكن يتنسي
ثق في نفسك وفي ربك، كمل مهما الواقع قسي

- ahmed mekky أحمد مكي

letras aleatórias

MAIS ACESSADOS