letra de wesh a9lk | وش أصلك - abady
[abady: مقدمة]
السلام عليكم ورحمة الله وبركاته حياكم
حياكم الله مشاهدينا الأعزاء في برنامجكم الأسبوعي ظواهر سيئة
اليوم معانا بالأستوديو الرابر عبادي
راح ندردش معاه عن ظاهرة أنتشرت في الأونة الأخيرة بشكل كبير
ألا وهي ظاهرة العنصرية
أخوي عبادي أيش رأيك بالناس اللي دايم تسأل عن الأصل
يعني على سبيل المثال أنتَ إيش أصلك أنتَ إيش تعود
يعطيك ألف عافية أخوي محمد على إستضافتي ببرنامجك
وصراحة الموضوع هذا كان ودي من زمان أتكلم فيه
يعني أنا ودي أعرف الناس اللي تسأل دايماً أصل الشخص اللي قدامهم وش هدفهم
بالنسبة لي أنا ما أشوفها إلا لقافة ومحاولة إشاعة العنصرية بالمجتمع
يعني أنا من وجهة نظري أرى أن الشخص اللي يسأل هالأسئلة يعني شخص فيه نقص
أوكيه أوكيه أخوي عبادي معانا إتصال من السعودية الأخت سارة
إتفضلي أخت سارة معاكي الرابر عبادي
عبادي أنتَ أيش أصلك ليبي ؟
[abady & k2: المقطع الأول]
سؤال لقافي لكن مب مشكلة سميني عبادي القذافي
مليت كل يوم واحد طالع لي يسألني هالسؤال
لو ما عرف أصلي مستحيل يهدأ له بال
نفس السؤال يتكرر
شي يرفع الضغط سؤال داخل بالعرض
يرددونه الناس بكثرة كأنه ركن أو فرض
سؤال يدل على سخافة الإنسان اللي يسأله
أنت وش تعود يا تفاهة هالمسألة
دام أن أبونا أدم وأدم خلُق من تراب
أصل كل واحد فينا نطفة حتى لو كبر وشاب
الرجال مب اللي يقعد يفتخر بأصله
الرجال الصح هو اللي تلقاه يفتخر بنفسه
قدم شي سوا شي
يفتخر فيه لكن غير كذا تراه ولا شي
لا يقعد يقول أصلي كذا أبوي كان كذا
شأبي بأصلك أنت ووجهك يعني الحين أنت معجزة
أبي من اللي سويته وتفتخر عليه
ما أبي شي سووه أجدادك وتقعد تفتخر فيه
تحسسني يوم تسأل هالسؤال إنك ناقص
تبي تفتخر بأي شيء حتى لو خايس
مالك شي تفتخر فيه إلا أصلك وبس
تبي تحس إنك مميز بالعلن أو بالدس
أمثالك أحزن عليهم لأن فيهم نقص
يفتخرون بأصولهم بس ما لهم ثقة بالنفس
أثبت نفسك بالبداية وبعدين أفتخر بكيفك
عالأقل تكون سويت شي عرف الناس بقيمتك
وخليتهم يحترمونك
لذاتك مو لأصلك لأن أصلك لوحده ما بيخلي الناس يقدرونك
كبروا عقولكم خلوني أشوف رجال ما أبي أشوف أطفال
أسئلتهم سخيفة يسألوا نفس السؤال بس بأكثر من طريقة
[k2: اللازمة] (x2)
ما بيننا أي فرق
كلنا عرب
لازم نتحد من شرق أو غرب
نوقف كل عنصرية سببت حرب
لازم نهتم أو راح نندم
[abady: المقطع الثاني]
تذكر إنك روح وموجودة فداخل جسد
مصيرها بترجع لخالقها ما راح تبقى للأبد
ربك خلقك من نطفة ومن ماء مهين
فلا تتكبر وتذكر إنك مسكين
عبد ذليل لرب العالمين
لا تشوف إنك أحسن من غيرك وتقعد تستهين
كل ما مر علي واحد من هذولا صغار العقول
سألني نفس السؤال ولو غير يقول
أنت طرش ولا صربي
لا حول
حتى الورعنه تعلموا هالشي ترا مو معقول
لازم نشوف حلول
لأنَ لو ما شفنا حل أعتقد هالسالفة جداً راح تطول
شي والله يقهر ترانا كلنا بشر
كلنا مسلمين سواء بدو أو حضر
لو أستمرت هالظاهرة بمجتمعنا
أتوقع بعد مدة ليست بالطويلة بنكون كلنا بخطر
شغل عقلك وفكر فيه خله مفتوح
ما سألت نفسك بكره يوم تموت وين بتروح
فقبر الموت مصير كل كائن في روح
ما حد بيبقى حي ما حد بيبقى حي
حنا شنبي من هالدنيا غير الذكرى الزينة
يوم نموت الناس تدعي لنا مو تدعي علينا
الدنيا كلها هموم ومن الهموم حنا أكتفينا
والغرور أحد الأسباب اللي تسبب الهم
والكبت والحزن والضيق والغم
من أنا من هنا
أقولكم دعوها فإنها منتنة
الراحة بعدها أبد مو ممكنة
ممكن أكون أنا أول شخص طرح هالموضوع في الغناء
على أمل إني أشوف تغيير
لأن الوضع بصراحة لا يرضي لا كبير ولا صغير
كل ماله في إزدياد كل ماله في إزدياد
أصل كل واحد لا عمره قدم ولا فاد
خلوكم من العناد و لنفتح صفحة جديدة
أخوان للأبد وهذا الشي اللي نريده
أتمنى هالسؤال نتركه ما نعيده
[k2: اللازمة] (x2)
ما بيننا أي فرق
كلنا عرب
لازم نتحد من شرق أو غرب
نوقف كل عنصرية سببت حرب
لازم نهتم أو راح نندم
letras aleatórias
- letra de charm bracelet - allday
- letra de when the tide comes in - tiger army
- letra de pulverfass (neptunes type beat) - manillio
- letra de 4 a.m. interlude - chosen (cg)
- letra de it’s a long way to the top - lemmy
- letra de the unclouded day - from sons of anarchy - audra mae & the forest rangers
- letra de words - sue sue
- letra de tengo un amor - genitallica
- letra de singing my song - passionchild
- letra de inna wolność - duchu