a b c d e f g h i j k l m n o p q r s t u v w x y z 0 1 2 3 4 5 6 7 8 9 #

letra de santa r'ghjina - a filetta

Loading...

[verse 1]
sì di petra zuccata da l’omi è da li venti
i to culori sò quelli ch’è tù t’inventi
lascendu fà l’ingegnu di e quattru stagione
ch’intreccia ombra è lume in una strana unione

[verse 2]
sì di sicreti persi cù l’anime smarite
di quelli ch’in le fole s’amentanu e vite
quelli ch’anu spartutu tempi fà e to stonde
banditi o pastori l’hai sappiuti asconde

[chorus]
quantu hai vistu ghjente mancu tù ùn la sai
ma adopri pacenza è senza stancà mai
porti u peregrinu à scobre u niolu
cullendu à passi dolci à fiancu à fiume golu
à fiume golu

[verse 3]
sì di caldu chì brusgia à sin’à a ferita
quandu à e sciappittane a statina t’invita
di i to ghjargalelli quandu viranu sbuccia
si movenu e spisce da u ponte à cuccia

[verse 4]
sì di cotru lucente à l’ore inguernarecce
nant’à i to sciappali si spechjanu e trecce
di isse stelle fughjite induve nimu ùn sà
elle sò l’infinitu, tù sì l’eternità

[chorus]
quantu hai vistu ghjente mancu tù ùn la sai
ma adopri pacenza è senza stancà mai
porti u peregrinu à scobre u niolu
cullendu à passi dolci à fiancu à fiume golu
à fiume golu

- a filetta

letras aleatórias

MAIS ACESSADOS

Loading...