letra de mors sui, se je ne vous voy - guillaume de machaut
mors sui, se je ne vous voy
dame d’onnour
car l’ardour
qui ma dolour
acroist en moy
m’ocirra, si com je croy
pour vostre amour
si ne say que faire doy
car riens de nulle part n’oy
qui ma tristour
esteingne ne mon anoy;
et bien say qu’onques mais n’oy
tel ne gringnour;
car tant sueffre et tant reçoy
painne et paour
qu’adès plour
dont tels m’atour
seuls en requoy
que je ne mengne ne boy
riens par savour
mors sui, se je ne vous voy
dame d’onnour
helas! si nе say pour quoy
pitez dort et bonne foy;
car dе mon plour
desirs estanche sa soy
et souvenirs avec soy
qui sans sejour
me monstrent vo bel arroy
vostre valour
vo douçour
vo cointe atour
vo maintieng coy
et font qu’à vous tous m’ottroy
sans deshonnour
mors sui, se je ne vous voy
dame d’onnour
dame, pour ce me desvoy
car quant en vous tous m’employ
et je n’ay tour
pour vous veoir, je y congnoy
ma mort. s’en sui en tel ploy
que sans retour
mors sui, car moult bien parçoy
que ma coulour
ma vigour
et ma baudour
pers; et ci troy
font qu’à vous mon cuer envoy
plus n’ai de jour
mors sui, se je ne vous voy
dame d’onnour
car l’ardour
qui ma dolour
acroist en moy
m’ocirra, si com je croy
pour vostre amour
letras aleatórias
- letra de ona chciała tylko autograf - big cyc
- letra de emotional - kmoneyfrmdavile
- letra de as the lights go out (resurrection) - iris (will ryan)
- letra de facts of life - lazyboy (tv)
- letra de rakkaudesta rakkauteen - kaija kärkinen & ile kallio
- letra de pacífico natural - saavedra
- letra de distance - apashe
- letra de right on time - silver
- letra de nerdesin - kaan
- letra de tes grands chevaux - ginette