letra de zan9a / الـزّنـقـة - muslim مـسـلـم
[المقطع الأول]
بلا ما نهدرو على الطفولة ، حيت كا نعقلوا غير عالرجولة
خلقنا تربيّنا وكبرنا فالزنقة لي راسها دايما كا نبوسولا
علمتنا بزاف وخا غولة ، الزنقة فالرحمة كسولة
قراتنا وطلعنا كا نطيروا وخا فالمدرسة كا نبانوا غير زطولة
والدينا كانوا غير ضعفاء ، قنعوا بالحلال حيت شرفاء
خلّاو الدنيا كا تجرّي غير بوحدها كانوا عارفينها غير خرافة
علاش حنا جاتنا ولّافة ؟ جاوبتنا الزنقة حيت شوّافة
زمانا ماشي فحال زمانهم هوما ما كانوش من الفقر خوّافة
شوف الوقت كيفاش تبدّل ، شوف البنادم كيف تبهدل
شوف الزمان لي خلّى الدمعة على خد الرّاجل تنزل
الحمق الحبس المحمل ، غا تفكّر فالرابعة تهبل
شوفلك كيفاش تجيب راسك فالزنقة وما تخلّي حتّى شماتة يترجّل
الزنقة عندها قوانين ، الدقّة فالحيط ولّا فينا
واذا شفتيني جايب راسي فيها مكالي بـ رضى يمّا لحنينة
الكاغيط يتحكم في هاد لمدينة ، الحگارة غادي يصدموا علينا
والذراع لي ما يجيبا بالذراع معاهم آ صاحبي قطعوا وسالينا
[اللازمة]
حياتنا غير كذبة ، دازت بالزربة
قلوبنا خربة ، حيت الجوع ولد الكلبة
حياتنا غير كذبة ، دازت بالزربة
قلوبنا خربة ، حيت الفقر ولد الكلبة
[المقطع الثاني]
الزنقة علمتني ما نخونشي ، الثقة ما عنديش في كل شي
كا نموت مع صاحبي واذا طلع شماتة كا نليكيدي وما كا نعقلشي
الزنقة علمتني ما نخافشي ، فين ما جابتا الخبزة نمشي
ها ديالك ها ديالي ما نسالك ما تسالي باش ما يبقى عجينك فكرشي
الصحاب لي تقلبو خوانة ، غا تجيبهم الزنقة بـ كانة
كا يقولو الكريمي والليل ورّيوني فين هوما ؟ ما كاينة دبّانة
كاينة علينا ولّا معانا ، وكيف كيف عندي أنا
و الدنيا خلّيها كا دور وكا تميل وكا تغني فحال شي سكرانة
الرجال كا يموتوا بالغدرة ، الشمايت كا يتذبحوا بالحقرة
كا نضحكوا كا نبكيو من القلب ما كا نافقوا ما نعرفوا ضحكة صفرة
ما كا ربّيو الكبدة على عشرة ، الفلوس كا يبدلوا البشرة
شمتة مور شمتة تعلّمنا طحنّا ولّينا فالشمايت خبرة
رضعنا السم من صدرا ، الزنقة يمّانا العقرة
ما ترحم فينا حتّى مسخوط غا تدّفنوا بالروح اذا طاحوا فـ قبرا
قلوبنا ولّات كيف الحجرة ، غا نشوفوا غير بالعين الحمرة
كا نلعبوا مع الدنيا كا نحاولوا نربحوها وخا عمرا طلعت خاسرة
[اللازمة]
حياتنا غير كذبة ، دازت بالزربة
قلوبنا خربة ، حيت الجوع ولد الكلبة
حياتنا غير كذبة ، دازت بالزربة
قلوبنا خربة ، حيت الفقر ولد الكلبة
letras aleatórias
- yes we mystic › letra de undertow - yes we mystic
- schnuffel › letra de abenteuer auf der trauminsel (teil 1) - schnuffel
- ahllam › letra de bargard - ahllam
- pawan natraj andony dasan › letra de daiyare daiyare (from "pandiyanaadu") - pawan, natraj & andony dasan
- oga magoga › letra de lisa sai - oga magoga
- harel moyal › letra de signs - harel moyal
- suecos metidos › letra de say you would - suecos metidos
- alfredo olivas › letra de corrido de infiernito - alfredo olivas
- kleber lucas › letra de davi - kleber lucas
- dustin kensrue › letra de buzzcut season - dustin kensrue